Manutensaun Sentral Hera-Betanu, Governu Lakumpri Kontratu

DILI – Parlamentu Nasional liu husi komisaun E, konsidera manutensaun eletrisidade sentral Hera Betanu, governu lakumpri ona kontratu, tanba antes nee governu asina kontratu ho kompania Puria katak atu halo negosiasaun ho kompania seluk husi parte 2 tenke hatene hotu, maibe ikus mai governu hakarak fo fali diretamente ba kompania Warsila sem tenderizasaun.

Preokupasaun nee hatoo husi Deputadu Manuel Castro husi komisaun E katak, kona ba manutensaun sentral rua nian nee hahu kedas iha tinan kotuk, i iha fulan Janeiru ami tenta bolu governu ho kompania Warsila no Puria, tanba haree katak ho orsamentu boot, tuir kontratu neebe mak governu halo ho Puria, maibe sira haree iha pontus balu neebe mak governu hakat liu.

Ami nia relatoriu ami husu atu governu bele konsidera i bele loke tenderizasaun atu nunee Warsila ou Puria tuir atu nunee labele hetan deskontentemente. Maibe buat sira neebe governu halo lasimu ami nia ideia, neebe governu hakarak atu fo diretamente ba Warsila,” katak Deputadu Manuel ba STL Tersa (18/07/2017) iha Parlamentu Nasional.

Nia hatete, sira simu mos lamentasaun balu husi kompania, em felismente governu ladun kumpri kontratu neebe halo ho Puria, depois Warsila hanesan sub-kontrak ba iha Puria nia mos hakat liu tiha Puria hodi halo fali negosiasaun ho governu, ida nee failansu neebe mak governu ho Warsila halo.

Nunee mos sira sira simu informasaun ikus  katak governu bolu Puria ba atu halo han over, nee mos sira bolu atensaun ba governu katak projetu boot nee tenke halo ho koidadu, halo preparasaun husi fulan 1 ba too fulan 6, atu nunee halo ho diak no kalma.

Aleinde nee mos sira rona katak depois hatoo ba tribunal das kontas, i tribunal das kontas haruka fila sira hatun fali ba 45 millaun, kuandu hatun nee tenke esplika, razaun saida. Keta halo iha buat ruma mak bem organizadau ona iha ministeriu nia laran. Guilhermina Franco / Jacinta Sequeira

Suara Timor Lorosae