domingo, 3 de junho de 2018

Descentralizasaun no Poder Lokal Nudar Instrumentu ba Dezenvolvimentu Nasional

PARTILHAR
Roger Rafael Soares * | opinião

Wainhira ita koalia kona-ba Descentralizasaun no Poder Lokal, ita hatene katak, ita koalia koana-ba prosesu ida ne´ebé relasiona ho pasajem kompetensias husi Administrasaun Central Estadu nian ba Admisntrasaun Lokal, ne´ébé sei reflete ho forma pozitiva iha prosesu dezenvolvimentu ba ita nia rain.

Maibé koensiente mos katak, implementasaun ba Descentralizasaun no Poder Lokal nudar procesu ida ne´ebé laos fasil, lori nia tempu atu evolui ho forma gradual no ejiji konsensus politkus,  uma vez ke nia envolve prosedimentus, alterasoens ne´ebé liga ho relasoens entre poderes politikus.

Desentralizasaun poder central ba munisipius laos implika deit iha dezenvolvimentu ba kuandrus juridikus, ne´ebé regula atribuisaun kompetensias husi poder central ba poder lokal, maibé nia rekere liu-liu investimentu ida ne´ebé boot iha kapasitasaun, hakarak iha ámbitu rekursus no mos meius teknikus, nune´e mos iha nível finanseirus. Kuandu alargamentu husi kompetensias no atribuisoens ba munisipius sira boot, amplifika outomatikamente, responsabilidades no ejijensias iha matéria nebe´é liga ho jestaun financeira, jestaun politika, jestaun administrativa no mos jestaun sosial.

Iha sirkunstansias ida ne´e, relasiona mos ho realidade sosioekonomika iha ita nia rain, transferénsia kompetensias husi poder central ba poder lokal, iha faze dahuluk, sei foka deit iha sentidu atu hadiak necessidades no kondisoens moris iha aspetu sosial no ekonomiku populasaun  nian.

Se ita hateke oitoan ba estória rai seluk nian, nudar referensia, kona-ba prosesu evolusaun poder lokal, Portugal por exemplo, parseiru kooperasaun iha matéria descentralizasun ho ita nia rain, ita bele konstata katak, sira nia prosesu implementasaun ba poder lokal  laos akontese ho fasil no lalais iha faze inisial, maibé sira mos liu husi faze defisil,  molok atu toó iha kuadru atual ne´ebé dezenvolvidu tebes, no mezmu ho kuandru atual ne´ebé dezenvolvidu, sira sei kontinua buka atu hadiak liu tan sira nia politika descentralizasun iha ámbitu atribuisaun poder, ho intensaun atu haboot no haluan  liu tan kompetensias ne´ebé atu delega ba munisipius  no freguesias sira.

Nune´e, Haboot descentralizasaun, sei, automaticamente, implika haboot mos dezenvolvimentu. Iha termus pratikus signifika katak realidade sosial iha ita nia rain rekere eh ejiji konjuntu husi medidas politikas ida ne´ebe ajustadas ho perfil dezenvolvimentu ida ne´ebe adekuadu. Ida ne´e signifika mos katak orgaun administrasaun lokal tenki despor ba kapasidades husi asaun iha ámbitu oi oin, poltiku,  tekniku no finanseiru. Haboot autonomia ba munisipius implika atribuisoens pakotes  finanseirus ne´ebé suficiente no adekuadu, oriundu  husi Orsamentu Geral Estadu nian, hodi munisipius sira bele dezenvolve no implementa politika dezenvolvimentu iha nível munisipal, ne´ebé iha kontra partida, bele fo biban ba sira hodi kria sira nia reseitas rasik, atu nune´e bele assegura kontinuidade iha sustentabilidade financeira iha nível municipal.

Tamba intensaun husi Descentralizasaun no Poder Lokal mai atu promove dezenvolvimentu ida ne´ebé justu no ekilibradu iha teritoriu Timor laran tomak, maka, ita labele husik atu mensiona importánsia husi partisipasaun popular no husi komunidades lokais, hakarak iha prosesu Desentralizasaun no Poder Lokal, hakarak mos iha prosesu desizaun husi governu lokal.

Hanesan demokrasia, nudar prosesu ida ne´ebé nunka iha fim, nune´e mos prosesu descentralizasaun.

*Rojer Rafael Tomás Soares, Ailili, Manatuto, rrtsoares@hotmail.com
PARTILHAR

Author: verified_user

Publicação luso-timorense sem fins lucrativos

0 comentários: