Timor Post (15/08/2020) -- Kongresu
Liga Futeból Amadora ne’ebé mak realiza iha Timor Plaza, sabádu (15/08) ne’e
muda ona nara (LFA) ne’e ba fali ona Liga Futeból Timor-Leste (LFTL).
Iha kongresu ne’e kongresita sira
ne’ebé mai hosi Prezidente klube no fundadór Liga ne’e kontinua hili Prezidente
sesante Nilton Telmo Dos Santos Gusmão ba nafatin prezidente ba periodo tinan
tolu hosi 2020-2023.
Enkuntu iha kongresu n’e hafoin
halo hotu votasaun ba Prezidente, kongresita sira mós kontinua halo diskusaun
ba estatutu no rezimentu liga futeból amadora ka (LFA).
Hafoin halo hotu diskusaun sira
ne’e hotu, kongresista sira mós kontinia halo diskusaun ba naran Liga Futeból
Amadora (LFA) ne’e hodi hakarak muda tia naran liga madora ne’e ba fali liga
profisionál.
Maibé iha kongresu ne’e
kongresista sira hamosu naran tolu haat, ida mak, Liga Futeból Timor Lorosa’e,
Liga Futeból Timorense, Liga Futeból Timor-Leste no Liga Lafaek, maibé to’o
ikus sira halakon tia rua hodi halo de’it votasaun ba naran Liga Futeból
Timorense (LFT) no Liga Futeból Timor-Leste (LFTL).
Maibé iha rezultadu votasaun
kongresita sira maoria hili naran Liga Futeból Timor-Leste (LFTL) ho votus
afavor (19) kontra (7) apstensaun (4), hodi muda ona naran Liga Futeból Amadora
Timor-Leste (LFA) ba fali ona Liga Futeból Timor-Leste (LFTL).
Enkuantu maski muda ona liga nia
naran hosi LFA ba fali ona LFTL maibé natureza liga kontinua la’o hanesan
baibain.
Jornalista: Jaime Pires
Sem comentários:
Enviar um comentário