Timor-Leste
hatete ba Austrália katak halo ona Prosedimentu Konsiliasaun Obrigatória (PCO)
iha Nasoins Unidas hodi obriga Kamberra tur iha meza atu halo negosiasaun hodi
define fronteira marítima permanente entre nasaun rua ne’e.
Fonte Governu nian konfirma ba Lusa katak embaixadór Timor-Leste nian iha Kamberra, Abel Guterres mak enterga notifikasaun atu hahú Prosedimentu Konsiliasaun Obrigatória (PCO) iha inísiu dadeersan.
Iha komunikadu ida ne’ebé haruka ba ajénsia Lusa Governu timoroan insiste katak "konsiliasaun obrigatória mak dalan disponível únika hodi lori Austrália ba meza negosiasaun nian" tanba governu australianu rekuza beibeik atu halo negosiasaun fronteira maritime ho Timor-Leste.
"Estabelese fronteira marítima permanente hanesan kestaun prioridade nasionál ba Timor-Leste no nu’udar pasu ikus hodi bele hetan ami-nia soberania hanesan Estadu independente", tanik primeiru-ministru Rui Maria de Araújo, sita iha komunikadu ne’e.
"Iha direitu internasionál obriga Austrália atu halo negosiasaun kona-ba fronteira marítima permanente ho Timor-Leste maybe nia lakohi halo ida ne’e maski ami halo konvite hotu. Ami iha opsaun ida de’it ba ne’e", nia hatete.
Maski iha akordu temporáriu hodi fahe rekursu iha Tasi Timór kontinua la iha fronteira permanente entre nasaun rua ne’e, ho Austrália retira hosi prosedimentu rezolusaun internasionál ne’ebé, insiste Dili, lima “meiu Timor-Leste nian hodi kumpre nia direitu iha direitu internasionál”.
Tanba ne’e maka xefe Governu subliña katak prosedimentu refere kria ona komisaun ida hodi apoia nasaun rua, hodi “hetan solusaun amigável”.
"Saida maka Timor-Leste buka maka solusaun justu no hanesan, no importante liu maka hetan direitu tuir direitu internasionál", dehan.
Konsiliasaun obrigatóriu hanesan prosesu ida ba iha Kovensaun Nasoens Unidas kona-ba Direitu Tasi nian (CNDUM) no obriga atu Austrália halo parte ba iha prosesu formál ne’ebé halo hosi painel independente ho naran “komisaun kosiliasaun”.
Prosedimentu ne’e bele uza bainhira parte rua lahetan akordu ka bainhira Estadu ida foti desizaun atu lahalo tuir juridisaun instituisaun internasionál nian hodi sai hanesan mediadór ba problema fronteira marítima.
Mediadór
independente lima halo parte ba komisaun konsiliasaun nian ne’ebé sei rona
pozisaun hosi kada Estadu no karik laiha akordu, maka komisaun sei hato’o ba
sekretáriu jerál ONU hodi husu apoiu ba rezolusaun.
Kambera ho Dili sei tur hamutuk ho didi’ak, hodi halo negosiasaun bazeia ba relatóriu komisaun nian.
Bazeia ba prosedimentu Dili nian, maka nomeia ona mediadór rua, no husu ba Tribunál Arbitrál Permanente hodi hala’o konsiliasaun. Kambera sei nomeia mediadór rua no hosi na’in haat ne’ebé sira hili, sei nomeia ba dalima molok prosedimentu hahú.
Kona-ba fronteira maritime ho Indonézia, Jakarta aseita atu halo negosiasaun bilaterál, pozisaun ne’ebé haktuir hikas bainhira Prezidente Jokowidodo mai Timor-Leste.
Kambera lakohi atu kontinua halo negosiasaun ho Timor-Leste hodi define fronteira maritime permanente, tanba ne’e maka hamosu kampaña, manifestasaun bot iha Austrália no Timor-Leste, atu nune’e Kambera bele halo hikas negosiasaun.
Iha 29-fevereiru, primeiru ministru Rui Raújo dehan katak Governu Austrália lakohi atu halo negosiasaun ho Timor-Leste kona-ba fronteira marítima no insisti katak akordu atuál hodi fahe rekursu iha Tasi Timór kumpri ona obrigasaun internasionál.
Rui Maria Araújo dehna ba Lusa, bainhira pozisaun ne’ebé ninia omólogu, Malcolm Turnbull, dehan ba nia liu hosi karta ida hodi fó resposta ba timor-oan ninia pedidu hodi hahú halo negosiasaun.
"Kontinua mantén ho pozisaun kona-ba fahe rekursu hothotu, ne’ebé sei hala’o liu hosi CMATS [Tratadu kona-ba Determinadu Ajuste Marítima iha Tasi Timór]", dehan.
CMATS asina ona entre Dili ho Kamberra, maibé Timor-Leste fó sai katak lavale tanba de’it hahalok espionajen ne’ebé Austrália halo.
Akordu ne’e hakarak atu 'royalties' ka reseita seluk hosi zona hirak ne’e, inklui mos riku kampo gás naturál Greater Sunrise nian bele fahe malu hanesan entre nasaun rua. Karik fronteira maritime ne’e defini ona, maka kampo refere bele hela totalmente ba iha tasi Timór.
SAPO TL ho Lusa – Foto: Epifanio Sarmento
Kambera ho Dili sei tur hamutuk ho didi’ak, hodi halo negosiasaun bazeia ba relatóriu komisaun nian.
Bazeia ba prosedimentu Dili nian, maka nomeia ona mediadór rua, no husu ba Tribunál Arbitrál Permanente hodi hala’o konsiliasaun. Kambera sei nomeia mediadór rua no hosi na’in haat ne’ebé sira hili, sei nomeia ba dalima molok prosedimentu hahú.
Kona-ba fronteira maritime ho Indonézia, Jakarta aseita atu halo negosiasaun bilaterál, pozisaun ne’ebé haktuir hikas bainhira Prezidente Jokowidodo mai Timor-Leste.
Kambera lakohi atu kontinua halo negosiasaun ho Timor-Leste hodi define fronteira maritime permanente, tanba ne’e maka hamosu kampaña, manifestasaun bot iha Austrália no Timor-Leste, atu nune’e Kambera bele halo hikas negosiasaun.
Iha 29-fevereiru, primeiru ministru Rui Raújo dehan katak Governu Austrália lakohi atu halo negosiasaun ho Timor-Leste kona-ba fronteira marítima no insisti katak akordu atuál hodi fahe rekursu iha Tasi Timór kumpri ona obrigasaun internasionál.
Rui Maria Araújo dehna ba Lusa, bainhira pozisaun ne’ebé ninia omólogu, Malcolm Turnbull, dehan ba nia liu hosi karta ida hodi fó resposta ba timor-oan ninia pedidu hodi hahú halo negosiasaun.
"Kontinua mantén ho pozisaun kona-ba fahe rekursu hothotu, ne’ebé sei hala’o liu hosi CMATS [Tratadu kona-ba Determinadu Ajuste Marítima iha Tasi Timór]", dehan.
CMATS asina ona entre Dili ho Kamberra, maibé Timor-Leste fó sai katak lavale tanba de’it hahalok espionajen ne’ebé Austrália halo.
Akordu ne’e hakarak atu 'royalties' ka reseita seluk hosi zona hirak ne’e, inklui mos riku kampo gás naturál Greater Sunrise nian bele fahe malu hanesan entre nasaun rua. Karik fronteira maritime ne’e defini ona, maka kampo refere bele hela totalmente ba iha tasi Timór.
SAPO TL ho Lusa – Foto: Epifanio Sarmento
Sem comentários:
Enviar um comentário