Segundu
Komandante Polisia Munisipiu Dili, Superintendente Asistente Euclides Belo,
hateten polisia bandu maka’as joven sira (grupu-grupu) tuur hamutuk hemu tua
iha luron.
Tanba,
tuir nia, dala barak joven sira ne’ebe hemu tua iha luron ne’e mak kria
problema, entaun polisia bandu tiha labele hemu iha luron ibun.
“Kuandu
sira hemu tua iha luron ne’e implika fali komunidade nia movimentu,” Komandante
Belo hateten, iha Dili.
“Kuandu
ami halo revista ba sira mak hetan sasan kroat, ami sei prende no submete
sira ba prosesu.”
Tanba
ne’e, nia husu ba joven sira atu hemu karik, tenke hemu iha uma laran, la’os
iha luron hodi kria fali konflito, e pior liu tan mak hemu lanu depois lori
kareta ou motor, ne’e kuandu polisia hetan sei submete ba prosesu.
Nia
informa, iha tempu kalan polisia sei halo patrulhamentu intensive tama sai
bairu hodi kontrola aktus sira ne’ebe mak lei bandu atu halo.
“Ami
sei hasa’e liu tan ami nia volume patrulhamentu iha tempu kalan hodi kontrola
situasaun,” nia hateten.
Polisia
tenke asegura seguransa rai laran, tanba tuir nia, iha autor balun ne’ebe iha
tempu kalan dala ruma kria konflito.
“Hanesan
hana malu, baku malu to’o rezulta sona malu,” nia dehan.
Nia
mos apela ba komunidade tomak atu evita movimentu iha tempu kalan, liu-liu ba
sira ne’ebe lao ain ou lori motor.
Iha
parte seluk Membru Komisaun B (seguransa, defeza, negosiu estrangeirus),
Deputada Anna Ribeiro, rekonese kestaun ne’e no polisia iha obrigasaun atu
haree ba situasaun hirak ne’e.
“Polisia
iha dever tomak hodi haree ba kestaun ne’e, maibe tenke atua tuir lei no
regras,” Deputada Ribeiro hateten.
Nia
dehan, hanesan joven sira tuur iha dalan ninin maibe la hemu no la kria
konflito, polisia tenke respeita mos sira nia direitu, maibe karik kria
konflito tenke atua sira ho dignu.
The
Dili Weekly
Sem comentários:
Enviar um comentário