DILI
- Deskonfia grupu deskoñesidu oho katuas ida iha Ossu, munisípiu Viqueque no
hakohi moris de’it matebian nia ferik-oan.
Kazu
oho ema asasíniu ne’e akontese iha Suku Uaibobo, Postu Administrativu Ossu,
Munisípiu Viqueque, tanba oho tiha la’en seidauk mate hakoi moris de’it no kaer
tan vítima nia ferik-oan hodi hakoi moris, maibé sorte Polísia Nasionál Timor
Leste (PNTL) ho komunidade sira konsege deteta no salva nia vida.
Komandante
PNTL Munisípiu Viqueque, Superintendente António Mauluta dehan, matebian ne’e
nu’udar mestre ida naran loos seidauk klaru, ne’e lakon derepente de’it.
Liu
tiha loron rua akontese, tanba nia ferik-oan ema deskoñesidu hakoi moris de’it
nia feen to’o iha hirus matan maka komunidade sira hetan informa ba polísia
hodi foti no lori ba ospitál konsege salva.
“Ita
ba hasai tiha mate isin vítima ne’e iha loron tuir mai antes ne’e ita foti uluk
nia ferik-oan ne’ebé ema hakoi moris no ita konsege lori ba ospitál hodi salva
nia vida,” dehan Mauluta ba jornalista sira iha Sentru Formasaun Polísia
Komoro, Sesta (09/12).
Nia
hatutan, kronolojia loloos hosi akontesimentu ne’e nia seidauk hatene, maibé
prosesu atu hetan mate isin ne’e maka komunidade balun fó hatene hodi polísia
ba buka to’o hetan.
Tanba
komunidade balun informa uluk nia ferik-oan ema hakoi moris de’it, hosi ne’e
maka bele deteta nia katuas oan nia fatin hakoi.
“Ita
kaptura ona suspeitu ida ne’ebé maka ita deskonfia nu’udar autór, no kazu ne’e
ita sei halo hela investigasaun atu bele hetan nia motivu loloos,” dehan
António.
Nia
hatutan, kazu ne’e akontese iha semana kotuk, matebian ne’e lakon durante loron
20 nia laran maka foin hetan, hetan mate isin maka iha loron Sábadu (05/12),
mate isin lori ona ba Hospital Nasionál Guido Valadares (HNGV) hodi halo
autópsia no matebian ferik-oan tratamentu iha ospitál referál Baucau nian no
rekopera ona.
Identidade
hosi matebian ho nia espoza parte polísia seidauk bele fó sai, tanba prosesu
investigasaun la’o hela. (way)
Sem comentários:
Enviar um comentário