Besik Mandatu Remata, PN Kompromete Sei Aprova Tan Lei 5

DILI – Lakleur tan mandatu terseiru lejislatura sei remata, tanba nee deputadu sira kompromete sei aprova tan lei 5 neebe mak preoridade.

Lia fuan nee hatoo husi Deputadu Komisaun A Arao Noe hatete, lei 5 neebe mak sira  kompromete atu  aprova tan nee mak hanesan Lei Poder Lokal aprova iha iha semana kotuk, lei eleitoral ba munisipal, lei remulatoriu dos argaun judisiarius, lei kriasaun de ordem dos advogadus no lei ida seluk tan.

Ami nia preoridade ba lei 5 mak hakarak atu konklui, hanesan poder lokal neebe mak aprova tiha ona, depois lei eleitoral ba munisipal neebe ami halo diskusaun tiha ona ba too ona artigu 25, sei hela artigu atus 1 resin.  Ami kompremetidu molok eleisaun lei nee tenke aprova,” katak Arao ba STL Kuarta (14/06/2017) iha Parlamentu Nasional.

Nia hatete, seiha tan lei 3 seluk hanesan alterasaun lei kona ba remulatoriu dos orgaun judisiaris nee kona ba juis, prokuradores no defensores sira publiku sira, ida seluk tan mak lei kriasaun de ordem dos advogados ida nee iha ona votasaun jeneralidade agora atu tama ba espesialidade, neebe agora kompremete atu konklui iha mandatu nee hotu.

Entretantu Deputadu Natalino dos Santos husi Komisaun A hatete, kona ba lei neebe mak pendende nee sira sei iha posibilidade tanba mendatu atu hotu ona, maibe sei iha posibilidade ba lei sira neebe mak seidauk halo diskusaun. Guilhermina Franco / Jacinta Sequeira

Suara Timor Lorosae