DNTT-PNTL Bandu Makaas, Transporte Labele Para Iha Trotoar Leten

DILI - Dirasaun Nasional Transporte Trestres (DNTT)  sei kordena ho Polisia Nasional Timor Lester (PNTL) liu-liu Dirasaun Polisia Tranzitu Nasional, sei hapara ou bandu makaas ema neebe uza kareta no motoriza para sira nia kareta no motor iha trotoar nia leten, hateten Direktor DNTT Natalino de Rosario iha ninia knar fatin, Edifisiu DNTT Balide, Dili, Tersa (19/9/2017).

Nia rasik haree ho matan, kareta no motoriza barak para iha trotoar iha Palacio Governu nia sorin no Parlamentu Nasional nia sorin. Nee labele.

Atu atua kareta no motorizada sira iha trotoar nia leten, nia dehan, ida nee kompetensia Polisia Tranzitu Nasional, maibe DNTT iha diver atu halo kordenasaun ho polisia tranzitu hodi resolve problema.

Neduni iha tempu badak, DNTT sei halo kordenasaun ho Polisia Tranzitu Nasional. Durante nee sira halo servisu hamutuk ona no lao diak tebes hodi resolve problema hirak nee.

Entretantu, husi Uma Fukun PN, membru Bankada PLP Demetrio do Amaral de Carvalho haree katak, desenhu tratoar iha Dili laran, nia haree lalos. Trotoar iha Dili laran tun sae hanesan mota kuak tamba dezenhu ba trotoar sira nee la sensivel ba ema difisente sira. Bainhira uza sira nia karina oan labele lao liu trotoar nia leten.

Tuir Demetrio, trotoar tenke integra ho ruang terbuka hijo geimbel. Tenke sai konsetu ida ho trotoar nee ema lao ain ema ttenke senti protesidu. Husi manas kondisaun neebe asisivel, trotoar gasta orsamentu boot, tanba halo ttrotoar tenke halo esgotu no alargamentu estrada. Bainhira “ita halo trotoar la respeita esgotu alargamentu estrada, nee konsetu neebe hatudu katak sektoral teb-tebes, tanba halo desemvolvimentu trotoar nee presiza konsetu neebe integradu, hanesan koalia konaba esgotu, kanalisazaun bee, ai riin EDTL no sira seluk.

Tamba nee nia konsidera, trotoar sira neebe governu halo iha Sidade Dili seidauk liu husi estudu neebe adekuadu, tanba trotoar sira nee halo laliu husi Master Plan neebe ho planu integradu.

Observasaun STL iha kampo nota katak, kareta no motorize balun para fali iha trotoar iha Placiu governu nia sorin no Parmanebtu Nasional nia sorin nakun halo ema lao ain lao ladiak tenke lao sai fali mai estrada ninin. Ida nee presiza governu haree problema nee, tanba governu halo desemvolvimentu trotoar atu fasilita ba ema hodi lao ain ba mai laos ba kareta no motor hodi para fali iha trotoar leten ida nee hatudu imajen ladiak ba publiku. 

Augusto da Costa | Suara Timor Lorosae