RAEO Halo Ona Kompensasaun Ba Vitima Afetadu

DILI - Autoridade Rejiaun Administrativa Espesial Oecusse (RAEO), halo ona kompensasaun ba komunidade sira neebe hetan afetadu husi dezenvolvimentu nasional iha rejiaun neeba ho osan $ 105.816 dolar Amerikanu.

Prezidente bankada Fretilin Francisco Miranda Branco hato informasaun nee hodi resposta ba deputadu balu iha Parlamentun Nasional neebe kontinua kestiona problema kompensasaun ba iha Oecusse.

Tuir dadaus neebe maka bankada Fretilin iha tuir deputadu Branco katak, Gabinete SROTC liu husi Dirasaun Rejional ba Rai no Propriodade servisu hamutuk ho Departementu Agrikultura halo ona kompensasaun ba plantasaunkomunidade sira maka hanesan, Suku Kosta total ema neebe afetadu hamutuk 243 total plantasaun 4.570, total osan neebe autoridade uza halo kompensasaunhamutuk $ 49.658.

Suku Lifau total ema neebe maka afetadu 10, plantasaun hamutuk 141, osan neebe maka uza hodi halo kompensasaun $ 1.900.

Suku Kunha total ema neebe maka neebe afetadu hamutuk nain 75, plantasaunhamutuk 771, osan neebe maka uza halo kompensasaun hamutuk $ 10.565.

Suku Lalisuk total ema neebe maka afetadu 121, plntasaun hamutuk 1086, osan neebe maka aloka hodi halo kompensasaun $15.117, no suku Nipani total familia neebe afetadu 166, plantasaun 2586, osan neebe aloka hosi selu kompensasaun $28.576.

Relasiona ho dadaus nee, Rejiaun Administrativa Espesial Oecusse aloka ona osan $ 105.816 hodi halo kompensasaun ba komunidade sira neebe hetan afetadu husi dezenvolvimentu iha Rejiaun Oecusse.

Entretantu problema transferensia ba funsinariu balu iha Sekretariu Rejional Ordenamentu Teretoriu Cadastru Oecusse nian, tanba funsionariu rua nee halo kampania ida hodi kontra autoridade sira, nia responsavel konaba terras propriadade, maibe kritika konaba kestaun sira neebe maka autoridade sira foti. 

Carme Ximenes | Suara Timor Lorosae