Prezidente
timoroan nian hatete ona iha loron-tersa ne'e katak prinsípiu sira diálogu ho
negosiasaun regula formasaun hosi Governu konstitusional dahitu, ne'ebé parte
balun simu ona pose iha loron-tersa ne'e, ho kompozisaun ida ne'ebé sei ajuda
"estimula prioridade nasional sira ne'ebé urjente liu".
"Serbisu
aproximasaun entre líder nasional sira, hosi rona dirijente partidu sira nian
no personalidade sira seluk, hosi área sosial oioin, ho kapasidade ne'ebé
rekoñesidu hosi sosiedade, hanesan importante hodi harii Governu ida ne'ebé
sidadaun sira hein no hakarak (...) hodi avansa iha dezenvolvimentu nasional no
hodi hamenus pobreza iha ita nia nasaun", Francisco Guterres Lu-Olo
hatete.
Ba
xefe Estadu hanesan importante atu investimentu sira hosi Orsamentu Estadu nian
diresionadu hodi "aumenta kualidade hosi serbisu públiku sira nian",
liuliu "hadi'a serbisu sira saúde nian no hadi'a eskola sira no kualidade
Edukasaun nian".
"Prioridade
seluk maka hamenus lalais pobreza. Bainhira kualidade hosi serbisu sira Estadu
nian aumenta, esforsu iha kombate hasoru pobreza sei hanesan mós
efisiente", nia hatete.
"Prioridade
importante sira seluk maka aumenta empregu sira ba joven sira, diversifikasaun
ekonomia, liuliu turizmu, hadi'a infraestrutura sira, realizasaun hosi
governasaun ida transparente no moos", nia hatutan.
Francisco
Guterres Lu-Olo ko'alia iha serimónia simu pose hosi membru na'in 20 hosi
Governu Konstitusional dahitu ne'ebé hamutuk ho na'in 12 sira seluk, entre sira
maka primeiru-ministru Mari Alkatiri ne'ebé simu ona pose iha loron 15 liubá.
Governu
seidauk kompletu no falta prenxe kargu sira hanesan ministru justisa nian
ne'ebé, nia garanti ona, katak "la'ós hanesan falta atensaun" ba área
ida ho "importánsia maka'as tebes hodi hametin Estadu Direitu, liberdade
sira no garantia sira ne'ebé konsagra iha konstituisaun hosi Repúblika
Demokrátika Timor-Leste nian".
"Konsolidasaun
hosi instituisau sira Justisa nian hanesan prioridade estratéjiku ida ne'ebé
maka ha'u sei fó atensaun tomak durante tinan hirak oinmai", hatete hosi
xefe Estadu.
Destaka
forma "dialogante ho pasiente" ne'ebé maka primeiru-ministur Mari
Alkatiri halo hodi harii Governu ida "ne'ebé iha partisipasaun maka'as
hosi área sosial no polítiku tomak hosi ita nia sosiedade", Lu-Olo
felisita esforsu sira diálogu nian.
"Esforsu
diálogu no negosiasaun ne'ebé maka hala'o hela hanesan mós ezemplu hosi
maturidade polítika ida ne'ebé inspira ita nia sosiedade. Sidadaun sira mós
senti katak demokrasia ne'ebé iha, demokrasia ne'ebé respeita ema tomak, inklui
hatene rona - no hatene desidi - bainhira to'o tempu atu halo", nia
afirma.
Ba
Lu-Olo, "diálogu, apelu ba sidadania ho impulsu ba partisipasaun
polítika" kontribui nafatin hodi "hamosu konfiansa no hametin
espetativu pozitivu" hosi sosiedade timoroan kona-ba futuru nasaun nian.
Xefe
Estadu konsidera ona katak maturidade no estabilidade ne'ebé maka populasaun
hetan ho prosesu formasaun Governu nian - hafoin lejislativu 22 Jullu - hetan
resposta pozitivu hosi parseiru sira dezenvolvimentu nian.
Nia
hatete katak rezultadu maka Governu ida ho "ema sira ne'ebé mai hosi área
sosial no polítiku ne'ebé la hanesan" no ne'ebé inklui governante sira
"ne'ebé respeitadu tanba nia esperiénsia no, iha kazu sira seluk, ema sira
ne'ebé joven liu maibé koñesidu iha área profisional sira no rekoñesidu tanba
kapasidade tékniku".
"Formasaun
governu nain la'ós, no labele sai hanesan, problema ida distribuisaun kadeira
sira nian. Distribuisaun ba kadeira sira maka tenki sai hanesan dalan ida hodi
lori ba governu ema sira ne'ebé maka nasaun presiza, hodi la'o ba oin",
nia hatete.
Lu-Olo,
bainhira hatutan preokupasaun hosi sosiedade sivil no hosi primeiru-ministru
rasik, hatete katak nia hakarak atu iha liután feto sira iha ezekutivu - agora
iha na'in haat entre na'in 30 resin - no kompromete ona atu serbisu "hodi
ajuda hamenus falta ekilibriu entre mane no feto sira, iha fatin importante
hosi responsabilidade sira iha departamentu oioin Estadu nian".
"Promosaun
hosi feto sira iha ita nia sosiedade hanesan objetivu estratéjiku ida hosi
dezenvolvimentu nasional", nia hatete.
SAPO
TL ho Lusa
Sem comentários:
Enviar um comentário