Eleisaun Antisipada Mak Dalan Demokratiku

DILI - Dezisaun Prezidente Republika Francisco Guterres Lú Olo nia deklarasaun diak. Maibe dalan diak liu maka elisaun antisipada mak dalan los liu no demokratiku liu atu hakotu krizi politika rai laran.

Lia fuan hirak nee hatoo husi Membru Forum Dezenvolvimentu Demokratiku (FDD) Abano Rakambian ba STL iha nia rezidensia Quintal-Boot Dili Sesta, (29/12/2017). Nia dehan Prezidente Republika mos akompanha situasaun politika neebe lao dadaun tanba lider husi parpol sira hanesan dun malu hela deit.

Deklarasaun prezidente republika nia atu desidi buat ruma relasiona ho situasaun politika rai laran neebe husi loron ba loron aumenta ba bebeik tanba deit partidu koligasaun no partidu opozisaun laiha ona sentidu do estadu atu hakotu krizi politika rai laran,”nia kualia.

Parte seluk mos hatudu ba publiku parpol sira tantu partidu koligasaun Fretilin no Partidu Demokratiku (PD) neebe lidera governu, nunee moos husi parte Bloku Opozisaun Parlamentar (BOP) hanesan CNRT, PLP, no Khunto laiha ona sentidu do estadu. Tanba nee maka prezidente republika nudar ema nomiru premeiru iha TL iha responsabilidade atu deside buat ruma.

Observador Politika husi Universidade Timor Lorosae (UNTL) Camilo Ximenes dehan katak informasaun husi prezidente republika nian konaba atu foti dezisaun iha tenpu badak no atu hakotu polimika politika rai laran oras nee dadaun. Diak maibe tuir academia nia haree husi parte rua. 

Justinho Manuel | Suara Timor Lorosae