Tsunami atinji iha loron-sesta
ne'e sidade sira Palu no Donggala, iha illa indonezia Sulawesi nian, antes ne'e
rai-nakdoko dala rua, anunsia Ajénsia Nasional Mitigasaun Dezastre sira indonezia
nian, no hatete mós familia sira ne'ebé lakon.
Tuir porta-voz ajénsia nian,
Sutopo Purwo Nugroho, tsunami ne'e halo estragu ba uma sira no iha familia sira
ne'ebé lakon.
Iha deklarasaun sira ne'ebé fó
sai iha televizaun, Sutopo hatete katak komunikasaun sira ho zona sira ne'ebé
atinjida ladun di'ak no operasaun sira salvamentu nian iha difikuldade tanba
nakukun.
Antes ne'e ajénsia indonezia fó
alerta tsunami ida.
Rai-nakdoko dala rua iha
loron-sesta dader ne'e iha illa indonezia Sulawesi, ho magnitude 6,1 no 7,5, no
iha rejistu pelumenuz ema na'in ida mate no na'in 10 kanek, tuir autoridade
sira.
Rai-nakdoko ne'ebé makas, iha
oras 18:02, ho profundidade kilometru 10, no kilometru 56 hosi nordeste
Donggala, iha ilha Sulawesi, tuir sentru jeolójiku norte-amerikanu (USGS ho
lian inglés).
Rai-nakdoko ba dahuluk, iha tuku
07:00 GMT ho magnitude 6,1, pelumenuz ema na'in ida mate no na'in sanulu kanek
no uma sanulu resin hetan estragu, tuir Ajénsia Nasional Mitigasaun Dezastre
sira indonezia nian.
"Vitima ne'ebé mate tanba
edifisiu ida ne'ebé monu", hatete ajénsia iha komunikadu.
Tuir USGS, rai-nakdoko ne'e iha nia
sentru ho profundidade ida ho kilometru 18, no kilometru 30 iha norte sidade
Donggala, iha sentru Sulawesi.
Indonezia afetada beibeik hosi
rai-nakdoko tanba lokaliza iha "Ring of Fire of Pacific", sírkulu
vulkaun ida no falla sismika sira iha basia pasífiku nian.
Iha dezembru tinan 2004,
rai-nakdoko ho magnitude 9,1 iha Sumatra, oeste Indonezia nian, provoka tsunami
no oho ema hamutuk na'in rihun 230 resin iha nasaun barak.
SAPO TL ho Lusa | 28 de Setembro
de 2018, 23:34 | Imajen: BBC
Sem comentários:
Enviar um comentário