Sekretáriu Estadu Vatikanu nian,
kardeanl Pietro Parolin, afirma ona iha loron-sesta ne'e, iha Beirute, katak
"Líbanu la mesak", durante loron ida orasaun nian ne'ebé dekreta hosi
papa ba nasaun ne'e no liutiha fulan ida hafoin esplozaun iha portu kapital
nian.
Mensajen mosu liutiha loron rua
hafoin apelu ida hosi papa ba fiar-na'in sira iha mundu tomak tomak ba
"loron universal ida orasaun nian ho jejun ba Líbanu", nasaun
multirelijiozu ida ne'ebé hasoru hela krizi maka'as.
Bainhira fó sai apelu, ne'ebé
konkretiza iha loron-sesta, papa Francisco konsidera ona katak Líbanu hasoru
"perigu maka'as ida" no labele "husik iha nia solidaun".
Iha sekuénsia hosi enkontru ida
iha loron-sesta ho Prezidente libanés Michel Aoun, kardeal Parolin asinala ona
katak "Santa Sé fó importánsia boot ida ba Líbanu. Líbanu la mesak".
Iha aluzaun ida ba komunidade
relijiozu oioin iha nasaun multiétniku ne'e, nia hatutan ona katak Líbanu
"tenki prezerva nia komponente sira" ne'ebé harii
"identidade" nasaun nian.
Númeru daruak hosi Vatikanu
ikusmai halo viajen ba zona portu Beirute nian, episentru hosi esplozaun
trájiku iha loron 04 Agostu ne'ebé estraga ona bairu tomak iha kapital, ho
balansu hosi ema na'in 191 mate no ema na'in 6.500 resin kanek.
Vizita mós eskola sira ho
hospital sira ne'ebé situa iha zona sinistradu sira, antes halo viajen ba sede
hos Igreja maronita hodi hasoru malu ho patriarka sira hosi komunidade katólika
oioin iha nasaun.
"Ha'u iha ne'e hodi hatudu
(…) solidariedade hosi Santa Sé ho povu libanés ne'ebé afetadu hosi esplozaun
aat ne'e", nia deklara iha konferénsia imprensa.
"Labele tauk", nia
refere iha mensajen ba ema libanés sira liuliu ba komunidade kristaun.
Papa nia adjuntu to'o iha
loron-kinta iha Beirute, ne'ebé hasoru malu ona ho xefe relijiozu kristaun ho
musulmanu sira antes halo misa ida iha ár livre iha santuáriu Nossa Senhora
Líbanu nian, iha norte Beirute.
Sapo TL | Lusa
Sem comentários:
Enviar um comentário