KUIDADU-AN HUSI HIV-SIDA

Sekertariu Jeral Komisaun Nasional Kombate HIV/SIDA, Daniel Marcal husu ba entidade hotu atu kuidadu an hodi prevene moras HIV/SIDA husi hahalok sex livre.

“Durante ne’e ema hatene mak moras ne’e daet ema liu husi relasaun sexual, maibe lahatene katak alende liu husi sex ema mos hetan husi daun nebe tuir informasaun nebe ami eskolha katak agora dadauk ema balun nebe hetan moras refere lori daun hodi hasai sira nia ran no sei sona fali ba ema nebe sidauk hetan ho subar nebe normalmente akontese iha fatin nebe ema barak. Tanba ne’e hau husu ba entidades hotu atu kuidadu an,”Dr. Daniel husu bainhira halo intervensaun iha seminariu HIV/SIDA ba PNTL iha salão Esprenz Delta 1 Comoro.

Nia hatete PNTL laos buat foun ba problema HIV/SIDA maibe PNTL nia involvimentu ba programa refere desde inisio kedas. Tuir PNTL no CNA HIV/SIDA rasik hatene katak PNTL rasik iha kaju balun katak iha dadus nebe ho hanoin atu halo prevensaun diak liu nebe tuir lolos seminario ne’e prenzensa husi lideransa maksimu PNTL nian hodi fo hanoin oinsa atu halo prevensaun nebe diak liu ba oin tanba problema HIV/SIDA laos problema ida nebe simples atu ita hanoin maibe problema ida nebe mundu tomak prekupa ho problema ida ne’e nebe too agora laiha aimoruk maibe fasil daet ba ema tanba liga ho nesesiedade bajiku nebe dala barak halo ita nia matan at, dala abrak halo ita haluhan tiha buat ida katak nesesiedade bajiku nebe nudar ema feto ho mane presija tebes nebe dala ruma taka ita nia hanoin no ita nia matan atu hare ba oi.

Nebe dala abrak mos halo ema sempre hanoin katak ema nebe hetan moras refere nudar ema nebe servisu sex nebe dala barak ema sempre dehan feto sira maibe tuir lolos laos ba ema nebe servisu iha refere maibe tuir lolos mos ba ema nebe ba ho mane hotu nebe halo ona relasaun sex ho liu ema nain ida.

“Agora ema nebe halo sexu livre ne’e ezemplo susar hau atu dehan ba imi maibe hau tenki hare ba hau nia an rasik katak se hau sente hau komesa ses ona husi regas Maromak nian nebe hatete katak sex ne’e bele halo husi feto no mane ida nebe simu ona sakramentu kaben,”Dr. Daniel fo ezemplo.

Nia afirma bainhira ema hotu hanoin doutrina Maromak nian konserteja moras ne’e sei la akontese maibe bainhira ema muda fali doutrina maromak nian hodi ema ida halo relasaun sexu liu ema nain ida mak sei kria konfujaun ba ita nia saude tanba ne’e ho seminario ida ne’e atu fo hanoin ba malu liu-liu ba maluk sira nebe mak oras ne’e dadauk servisu iha liur nebe dok husi familia atu tau nafatin doutrina Maromak nian iha ita bot sira nia prinsipio hodi prevene moras refere.

Entertantu Armando Monteiro Superintendente Komandante Chefe komandante Komando Distrital Bobonaro hatete seminario ida ne’e nduar papel importante nudar PNTL inklui mos sai hanesan membro CNC HIV/SIDA nebe lolos labele kolia maibe ba iha seminario ida ne’e siknifikante tebes tanba moras ida ne’e nudar moras refere nia grafiku nia numeru kada loron sempre aumenta nebe se la sala numeru munisipio nebe bot mak Munisipio Baucau no Bobonaro ,nebe tuir lolos laos ema ida nia kompetensia atu hare maibe ba entidades hotu.

“PNTL mos la ses husi grafiku nebe mak ejisti iha CNC HIV/SIDA tanba ne’e papel PNTL liu-liu servisu imigrasaun no fronteira oinsa atu habelar ba iha membro sira inklui mos familia no komunidade oinsa hadok an husi moras refere nebe too ohin loron sidauk iha aimoruk,” Armando Nia hatete.

Armando mos afirma ho moras nebe nia numeru kada loron sempre aumenta husu ba CNC atu sebele seminario ne’e laos iha deit nivel institusaun maibe ho entidades hotu Cimuniade estudante sira atu nune’e sira mos iha kuinesementu kona ba moras refere no oinsa sira atu prevene.

Seminario ne’e ladun hetan aprtisipasaun husi membro PNTL tanba prekupa ho monu ho asaun demostrasaun.

Partisipa iha seminariu ho tema “Involvimento Lideransa PNTL iha programa Prevensaun HIV/SIDA” ne’e Direktor Nasional Imigarasaun PNTL ,Jose da Costa, Armando Monteiro Superintendente Komandante Chefe komandante Komando Distrital Bobonaro. Ola

Jornal Nacional