HAKARAK MORIS DIAK, LABELE DEPENDE BA ESTADU

Primeiru Ministru (PM), Rui Maria de Araújo hatete, hakarak buka moris diak labele depende demais ba Estadu,tanba Estadu ajuda maibe la’os bebeik.

“Ita labele tabele hela deit ba Estadu, Estadu fo apoiu oituan,” esplika PM Rui Maria de Araújo, wainhira hala’o vizita ba Koperativa Buka Fini iha Suk Mulo, Postu Administrativu Hatobuilico, Munisipiu Ainaro, Sesta (23/10) ne’e.

PM Rui dehan, koperativa ne’e presiza neneik-neneik mak bele sai ba diak. La’os ohin harii, ohin diak kedas.

“Entaun koperativa mos hanesan ne’e, kuandu fof-foun ne’e ita fo lai susu ben mas to’o tempu ona susu ben tenki hapara ona, tanba bo’ot ona se lae ita moe,”dehan PM Rui.

Iha parte seluk Ministru Comersiu industria Ambiente (MCIA) Costancio Pinto hateten, nia senti kontente tebes haree koperativa Buka Fini nia servisu   ne’ebe maka diak tebes hodi halibur osan ho montante bo’ot tanba   ne’e MCIA servisu   hamutuk   hodi apoiu.

“Kontente tebes tanba hare imi nia serbisu hodi halibur osan   ho nune’e MCIA prontu serbisu hamutuk hodi fo apoiu kona-ba sa ida maka koperativa buka   fini nia probelema. Tanba ne’e husu imi atu serbisu   fali ho maluk sira seluk,” informa Costancio Pinto.

Nune’e mos Direktur Koperativa Buka Fini Silveiro   Pereira hateten, koperativa   ne’e hari hetan apoiu ajudus husi MCIA ho fundus 10 mill no osan ne’ebe iha kontinua fo kreditu ba komunidade.

“Osan 10 mil   ami fo kredetiu ona ba ema seluk hamutuk ema nain 30 no sei kontinua ho aktividade seluk maka halo negosio no fini   ne’ebe maka ami iha 6 mil maibe ami iha difikuldade maka presiza formasaun, la iha sede koperativa, brankas rai osan, la iha komputador no printer,”dehan Silveiro Pereira.Avi

Jornal Nacional