CNRT-FRETILIN Aprezenta Resolusaun Alterasaun ba Lei Pensaun Vitalisia

DILI - Reprezentante povu iha Uma Fukun Parlamentu Nasional (PN) husi bankada CNRT ho FRETILIN aprejenta resolusaun ida atu dejigna membru husi bankada sira, para ba iha komisaun eventual, hodi hare alterasaun ba lei pensaun vitalisia.

Xefi bankada CNRT Natalino dos Santos hatete, CNRT ho FRETILIN aprezenta resolusaun ida atu dejigna ona membru husi bankada sira, para atu ba iha komisaun eventual, hodi hare ba alterasaun lei pensaun vitalisia.

Bankada CNRT ami deside ema nain para atu tama iha komisaun eventual nee, hanesan deputadu Virgilio Marsal, deputada Lay, deputada Igilda, deputadu Manuel Guterres, no deputada Virgina Ana Belo para tama iha komisaun eventual nee para hare ba alterasaun lei pensaun vitalisia nian,” dehan deputadu Natalino, ba jornalista sira, iha PN, Dili, Segunda (31/05/2016).

Nia hatete, agora foin aprejenta projetu, tenki iha komisaun eventual, komisaun eventual hatun resolusaun, no resolusaun nee tenki aprova lei ba ema sira neebe maka tur iha komisaun eventual, depois maka komisaun eventual atu hare servisu nee lao halo nusa.

FRETILIN tuir deputadu Natalino katak, hatama proposta CNRT apoia deit, CNRT hatama proposta ida, Frente Mudansa hatama proposta, PD hatama proposta ida orsida ida idak defende nia proposta entaun ilei pensaun vitalisia nee labele muda.

Iha fatin hanesan membru PN husi bankada FRETILIN Paulo Moniz Maia hatete, lei rai, lei pensaun vitalisia no lei KAK importante atu deputadu sira halo diskusaun. Agora lei rai meja PN baixa ona mai iha komisaun A, komisaun A halo ona ajenda para halo diskusaun. Lei pensaun vitalisia bankada 4 nee iha projetu de lei atu altera artigu balu no FRETILIN hatama ona nia projetu de lei, nunee mos lei KAK, se lei KAK laiha Komisaun KAK atu detekta kompetensia sira nian nee sei limiti oituan. Informasaun kompletu iha STL Jornal no STL Web, edisaun Kuarta (1/6/2016).  Carme Ximenes

Suara Timor Lorosae