Horta: Tensaun Polítika “Normal”

DILI (TATOLI) - Premiadu Nobel ba Páz, José Ramos Horta, konsidera tensaun polítika iha periodu, elisaun Parlamentar, normál iha âmbito Partidu Polítiku (ParPol), maibé inportante mak la bele hamosu krime ba malu.

“Ha’u husu ba partidu polítiku sira hotu katak, normál kuandu akontese tensaun polítiku iha kampaña eleitorál, maibé ho tensaun debate la’ós krime,” Ramos Horta informa ba jornalista sira iha Aero Portu Internasionál, Nicolao Lobato, Dili, Tersa (13/06).

Ramos Horta, mós iha korajen katak, iha kampaña maske lider polítiku sira foti lia án ba malu, maibé maibé imposivél lider partidu sira atu kria instabilidade hanesan partidu CNRT ne’ebé lidera hosi Kay Rala Xanana Gusmão, partidu Partidu Libertasaun Popular (PKLP) lideradu hosi eis Prezidenti da Repúblika, Taur Matan Ruak no Partidu FRETILIN lidera hosi Mari Alkatiri.

Aleinde ida ne’e, Horta mós fi’ar karak lider partidu pilítiku sira kontrola militante hodi labele hamosu violénsia iha âmbitu kampaña no eleisaun.

Enkuantu, Ramos Horta mós iha tempu besik sei halo viazen ba munisípiu atu ajuda eleisaun bele la’o di’ak ho susesu, maske nia an la inklina ba partidu A ou B.

Husu ba mós ba partidu polítiku sira atu simu rejultadu hosi elisaun, ba ne’ebé manan kontinua dezenvolve nasaun no povu Timor-Leste nian.

Ba ida ne’ebé lakon tenke simu rezultadu, maibé ne’ebé mak manan tenke hatudu matenek ho vizaun atu servisu ho sira ne’ebé lakon. Atu sira nebe lakon bele partisipa prosesu konstrusaun estadu.

Jornalista: Zezito Silva | Editór: Manuel Pinto

Foto: Premiadu Nobel ba Páz, José Ramos Horta