Populasaun
hosi zona osidental hosi enklave timoroan Oecusse hahú loron-segunda ne'e ladún
izoladu ona, tanba benefísiu hosi Ponte Noefefan, ne'ebé inaugura iha
findesemana ne'e no ne'ebé atravesa mota Tono, ne'ebé antes ponte ne'e harii
bainhira iha tempu udan labele atravesa.
Konsidera
ona hanesan projetu ida emblemátiku liu hosi programa dezenvolvimentu hosi
Rejiaun Administrativu Espesial Oecusse-Ambeno (RAEOA) ponte - ho naruk metro
360, aas metru 20 no ho arku tolu - inaugura ona hosi Prezidente Repúblika
Francisco Guterres Lu-Olo.
Investimentu
ida ho millaun 17 ne'ebé permiti atu populasaun hosi parte metade osidental
hosi enklave iha tan asesu ida ne'ebé lalais no seguru ba kapital RAEOA nian,
Pante Makassar, ne'ebé hanesan baze hosi ligasaun prinsipal oioin sira -
liuhosi tasi, ár no rai - ba fatin sira seluk Timor-Leste nian.
Ligasaun
entre zona rua hosi enklave, ne'ebé haketak hosi mota Tono, la'ós hanesan
fásil, liuliu bainhira tempu udan - entre fulan-Novembru ho fulan-Abril -
ne'ebé travesia ne'e sai hanesan imposivel.
Família
hamutuk 3.600 resin ne'ebé hetal iha parte osidental enklave nian bele agora
iha asesu ba kapital no ba sira nia serbisu sira, inkllui asesu ba eskola sira
no ba Hospital Referénsia nian, bainhira Estadu agora iha tan asesu ba
dezenvolvimentu hosi serbisu sira seluk iha zona sira ne'e, inklui eletrisidade
no bee no saneamentu, destaka hosi autoridade sira hosi RAEOA nian.
Ba
xefe Estadu, Francisco Guterres Lu-Olo, ponte hanesan símbolu ida hosi projetu
boot ida dezenvolvimentu nian ne'ebé hakarak "hadi'a2 injustisa hosi tinan
dahuluk sira independénsia nian, ne'ebé enklave ne'e hanesan husik ba ikus.
Lu-Olo
hanoin hikas katak iha enklave, liuliu iha tasi-ibun Lifau, maka hahú
Timor-Leste nia istória, tanba iha fatin ne'ebá maka, iha tinan 500 liubá,
navegador no misionáriu portugés sira to'o ba dala uluk.
Nia
hatete katak Oecusse merese tratamentu espesial ida iha Konstituisaun
Timor-Leste nian maibé iha de'it tinan rua ikus ne'e, ho projetu
dezenvolvimentu RAEOA nian maka hahú ona "halo justisa" hodi garanti
katak rejiaun "bele la sai ona enklave, bele la hanesan ona izoladu".
Prezidente
fó hanoin katak, aleinde izolamentu, enklave hetan mós problema sira seluk,
inkluzive natural sira, ne'ebé "iha ona dezenvolvimentu" hanesan kazu
hosi "udan ne'ebé tau maka'as no hamosu bee-sa'e ne'ebé fahe populasaun
sira".
Hodi
hadi'a problema sira ne'e, nia hatete, Governu aposta ona iha hametin ligasaun
sira ho enklave, nune'e presiza investe iha aviaun timoroan dahuluk, ró ida -
ne'ebé foin lalais ne'e lansa iha Portugal - no ponte foun.
"Hodi
halakon izolamentu Oecusse nian ami aposta ona iha transporte sira, garanti
lalais no mobilidade. Mobilidade hanesan kondisaun ne'ebé lahó nia sei laiha
sidadania. Moderniza Oecusse reforsa sidadania hanesan investe iha
mobilidade", nia hatete.
"Mota
Tono, uluk, hanesan izola populasaun sira. Maibé, hahú loron ohin, tanba ponte
ne'e, sai hanesan ligasaun ida entre populasaun sira. Ponte Noefefan, sólida no
elegante, halakon ona izolamentu hosi populasaun sira, ne'ebé iha dékada barak
nia laran sofre ona izolamentu durante tempu udan nian", Lu-Olo hatete.
Prezidente
Repúblika fó hanoin katak ponte ne'e halo parte iha projetu ida ne'ebé boot
ne'ebé reprezenta "filozofia foun ida" no "modelu foun ida hosi
dezenvolvimentu" ne'ebé aposta ona iha kriasaun hosi Zona Espesial ida
hosi Ekonomia no Sosial Merkadu nian (ZEESM) ne'ebé harii daudaun
infraestrutura báziku oioin sira.
"ZEESM
hosi Oecusse bele serve nune'e hanesan referénsia ba pontu sira seluk
dezenvolvimentu nian ne'ebé sei estabelese iha teritóriu Timor-Leste nian, iha
prazu médiu no prazu naruk".
"Ha'u
iha konviksaun katak Timor-Leste hili ona dalan loos, la'o ba dezenvolvimentu
sosioekonómiku ne'ebé integradu no sustentável", nia afirma.
SAPO
TL ho Lusa | Foto: TATOLI
Sem comentários:
Enviar um comentário