Ministru
Planu ho Finansa timoroan nian hatete iha loron-segunda katak ezekutivu hakarak
avansa iha prosesu reforma fiskla nian hodi buka hetan sustentabilidade hosi
konta públiku sira no kombate défise.
"Défise
fiskal hanesan boot tebes. Aumenta hosi 17% PIB nian iha tinan 2015 ba 30% PIB
nian iha 2016. Ne'e signifika katak hanesan asuntu importante no sériu ida ba
Estadu tomak", afirma hosi Rui Gomes, ne'ebé ko'alia iha debate kona-ba
Programa Governu nian iha Parlamentu Nasional.
Hanesan
nia intervensaun dahuluk iha plenáriu hahú hosi loron simu pose, 15 Setembru,
Rui Gomes hatete katak, iha termu fiskal sira, Governu hakarak kontinua serbisu
hosi Komisaun Reforma Fiskal nian.
Bainhira
hatán ba preokupasaun sira hosi deputadu opozisaun sira nian kona-ba tema
fiskal, Rui Gomes hatete katak "reforma fiskal hanesan prosesu importante
ida hodi buka hetan sustentabilidade fiskal".
Nia
hatete katak iha konkretu ne'e presiza "estimula ekonomia la'ós
petrolíferu hodi aumenta reseita sira ne'ebé la'ós mina-rai nian" hodi
hametin "kombate hasoru fraude fiskal" no "hadi'a jestaun hosi
rekursu finanseiru sira", aspetu ne'ebé tuir nia katak hatudu iha programa
Governu.
"Ne'e
hanesan ezersísiu importante ida. Rasionalizasaun hosi rekursu finanseiru sira
signifika katak presiza rezerva di'ak ida hosi rekursu sira ne'ebé fraku. Ne'e
reprezenta kontinuasaun ba programa hosi Komisaun Reforma Fiskal nian",
nia esplika.
Iha
loron-segunda ne'e, ezekutivu timoroan hahú defende iha parlamentu testu hosi
nia Programa Governu iha ambiente ida hosi protestu opozisaun nian ne'ebé iha
semana liubá halibur iha plataforma ida hosi Aliansa Maioria Parlamentar (AMP)
hodi oferese hanesan alternativu governasaun ida karik programa ezekutivu
minoritáriu nian la liu.
Parlamentu
Nasional marka ona semana ne'e tomak hodi halo debate ne'ebé iha momentu ruma
opozisaun bele aprezenta proposta ida rejeisaun nian.
Bainhira
proposta ne'e hetan aprovasaun, Governu iha loron 30 hodi aprezenta fali
alternativu ida ba programa ne'ebé sei hetan fali debate. Bainhira la liu
nafatin entaun Governu tuun.
SAPO TL ho
Lusa
Sem comentários:
Enviar um comentário