Dom Ángel: Estadu-Salesiano Serbi Joven

DILI – Tuir Dom Ángel Fernadez Artime nuudar sussesor Dom Bosco ba dala 10, iha nia homilia agradese ba Maromak, ba domin neebe haraik ba Dom Bosco, ba igreja, ba sosiadade no ba mundu.

"Sao Joao Paulo Segundu Proklama Dom Bosco nudar Aman no ba mestre ba foin sae sira, Dom Bosco ohin sente kontetente tebes tamba hare ita hotu neebe haksolok hamutuk no festesa nia laran, tamba ita hotu neebe iha nee asumi servisu ida neebe halao ona too oin loron, nunee mos ita nian autoridade nudar familia ida deit, iha mos obrigasaun ida nee atu servi ba joven no ba ema hotu,” dehan nia liu husi nia humilia bainhira preside missa solene ba loron Dom Bosco nian neebe halo iha pustek Dom Bosco, Comoro, Kuarta (31/1/2018).

Liu husi homilia, nia parte agradese ba autoridade sivil nasaun nee nian, neebe maka partisipa iha seremonia missa solene ba Dom Bosco.

Iha fati hanesan Prezidente antigus Alunus Salesianu Dom Bosco Agustinho Gonsalves hateten nia parte kontente selebrasaun missa Dom Bosco, tamba Primeira Vez Reitor Mor salesianu Dom Bosco neebe  representa  asesor  Dom  Bosco ba dala X  halo misa iha nee.

Nia dehan Reitor Mos nee sente kontetente baihira halo missa hamutuk ho  familia Dom Bosco iha Timor tamba hetan partisipasaun nee husi Prezidente Republika, joven  no ba sira neebe asumi funsaun importante iha sosiadade partisipa hotu iha missa nee. 

Natalino Costa/Domingos Piedade | Suara Timor Lorosae