Mudansa Strutura PN, Arao: Konsidera Ilegal

DILI – Relasiona ho mudansa Strutura Funsionariu Parlamentu Nasional (PN),  hodi troka ona Sekretariu Jeral (Sekjer) ho nia adjuntu, opozisaun konsidera ilegal, tanba tuir artigu 23 no 3 hatete bele troka Sekjer kuandu nia viola lei no kode etika no kondura grave.

Kestaun nee Xefe Bankada CNRT Arao Noe dehan, tuir sira nia lei Lock Up no 12/2007  24 de Maiu neebe regulariza ba PN tuir artigu 23 lei nee hatete PPN bele nomeia sekjer mas tenke rona lider bankada sira. I depois bankada sira mos bele aprezanta kandidatu, maibe ida nee seidauk halo.

Asaun neebe halo horsehik nee ita bele konsidera katak asaun illegal, abuzu de poder, tanba tuir artigu 23 no 3 hatete katak so bele troka sekjer nia violasaun lei no kode etika no kondura grave. Maibe iha despaisu PPN nian nee nein sita violasaun nee ida, maibe halo deit substituisaun laiha razaun fundamental,’ katak Arao ba STL Sesta (06/04/2018) iha PN.

Reuniaun lider bankada koalia deit ba resposta governu ba AMP neebe hakerek pergunta, orsamentu duo-desimu, maibe lakoalia kona  ba atu troka sekjer Pn, tanba latama iha ajenda. Tanba nee PN koalia  maibe ami lapronunsia buat ida tanba latama iha ajenda.

Se razaun tanba komfiansa politika halo kedas iha Outubru, tinan kotuk atu nunee ema neebe mak hetan mandatu nee se iha tempu para halao knaar. Maibe Agora besik ona EA mandatu nee bale fulan 1 ou 2, tanba depois lejislatura foun bele mosu fali sekjer foun.

Notisia kompletu lee iha jornal STL edisaun Sabado, (07/04/2018)

Guilhermina Franco | Suara Timor Lorosae