Organizasaun Feto Kontinua Luta Ba Direitu Feto

DILI - Organizasaun feto, oras nee luta makaas ba direitu feto oinsa maka feto sira bele uja sira nian direitu ho lolos no lahalo diskriminasaun.

Tuir Maria De Carvalho Soares husi Afedil hateten sira nian organizasaun neebe maka hamrik atu hatutan governu nian servisu tanba nee maka oras nee sira mos luta makaas oinsa maka kapasita feto atu partisipa iha publiku inklui mos oinsa maka promove feto sira nian abilidade iha domestika ou vida ekonomia.

“Afedil halao servisu oinsa kapasita feto iha vida ekonomia, nunee mos tuir prozetu neebe maka iha maka atu promove feto sira nian abilidade no nian skiil laos atu ba iha servisu publiku deit maibe ba iha servisu domestika mos” katak Maria De Carvalho Soares husi Afedil ba STL tersa feira 23/04 iha nian knaar fatin.

Maria dehan feto iha direitu oin-oin neebe maka mundu rekoinese nunee mos laos halao servisu iha publiku deit maibe mos iha balansu oinsa maka hakbiit mos ekonomia hanesan prozetu ida husi Afedil hakbiit ekonomia feto oinsa maka halo hahan local ba iha hahan modernu ida nee afedil halo ona.

Nian mos motiva nafatin ba feto sira hotu hetan ona fiar ruma labele husik liu deit maibe koko aprezende buat oin-oin neebe maka oras nee iha tanba timor leste agora nasaun neebe maka demokratiko no siblizadu no modernu tanba nee maka koko aprende nafatin foun foun oin-oin neebe maka iha atu promove ita nian abilidade, buka servisu voluntario oinsa maka atu bele kapasita aan aproveita masimua atu nunee tinan tuir mai ita mos iha ona kapasidade atu bele promove ita nian aan iha dezenvolvimentu nasional.

Nunee mos Elisabeth Da Costa Koordenadora UFD Unidade Feto Dezenvolvimentu hatutan feto paz no seguransa hamutuk UFD kontinua fo kapasitasaun ba feto no juventude feto sira atu bele hasae sira nian koinesementu neebe maka diak atu bele kompete ba iha prosesu dezenvolvimentu nasional.

“Feto paz no seguransa oras ee esforsu makaas hodi fahe imformasaun ba feto no juventude feto iha municipio baucau liu-liu feto neebe maka uja oportunidade livre atu kapasita aan iha formasaun ou kursu ruma oin-oin neebe maka oferese husi NGO UFD baucau no iha biban ida nee formasaun refere grupo feto paz no seguransa fahe mos ba existensia FPS katak nakloke ba ema hotu, atu sai membru ba grupo FPS hodi aprende konaba lalaok advokasia hodi defende direitu feto no labarik iha municipio baucau” katak nian

Emerenciana Pinto | Suara Timor Lorosae