Siklone tropikal Lili, lokaliza
iha leste Timor-Leste nian, lakon daudaun intensidade, maibé karik sei hamosu
udan boot no anin maka'as durante oras 24 nia laran, liuliu iha zona súl nasaun
nian, informa hosi autoridade sira.
Informasaun ne'ebé atualizadu no
fó ba Lusa hosi meteorolojista sira hosi Timor Leste MeteoClima (TLMC), hamutuk
ho Diresaun Nasional Meteorolojia ho Jeofíziku (DNMG), refere ona katak siklone
ne'e movimenta hela ba diresaun sudueste nian.
Maibé, modelu meteorolójiku sira
hatudu katak Lili sei desloka ba diresaun rai nian iha oras neen oinmai, sei
lakon neineik nia intensidade to'o iha kosta-súl nasaun nian.
To'o iha ne'ebá, Lili bele hamosu
rajada anin médiu sira ho 75 km/oras ho rajada to'o 100 km/oras, no ho
previzaun udan entre 100 no 150
mm iha oras 24 oinmai.
Siklone, ne'ebé hahú hanesan
tempestade tropikal ida, halo ona estraga iha estrada sira, liuliu iha leste
nasaun nian.
Lusa | SAPO TL
Sem comentários:
Enviar um comentário