Governu aprova limite biliaun 1,6 ba orsamentu tinan 2021

Iha loron-kuarta ne'e, Governu aprova ona iha Konsellu Ministru limiti hosi dolar biliaun 1,6 ba Orsamentu Jeral Estadu (OJE) tinan 2021 ne'ebé agora sei finaliza antes haruka ba parlamentu.

Limiti hosi despeza sira, ekivale ho euro biliaun 1,35, tuir esplika hosi Governu iha komunikadu katak hakarak "kobre nesesidade sira hosi programa ho prioridade nasional sira ne'ebé defini hosi Governu Konstitusional daualuk, liuliu iha nível dezenvolvimentu hosi kapital sosial no dezenvolvimentu ekonómiku".

Iha kazu ne'e, OJE ba tinan oinmai inklui medida sira hosi Planu foun hosi Rekuperasaun Ekonómiku nian ne'ebé sei aplika, tuir faze, entre 2021 ho 2023.

Despeza sira ne'ebé kalkula ba 2021 halo mós ho baze iha "dezenvolvimentu hosi infraestrutura báziku fundamental sira, hosi dezenvolvimentu ambiental, hosi dezenvolvimentu institusional ho prosesu sira hosi reforma institusional sira ne'ebé hala'o hela".

Seidauk hatene valor loloos sira hosi OJE ba tinan 2021.

Rekorda katak Governu aprova ona, foin lalais, Orsamentu Jeral Estadu (OJE) ba 2020 - nasaun iha duodésimu dezde 01 Janeiru - no sei aprezenta ba parlamentu iha inísiu hosi sesaun lejislativu iha loron 15 Setembru.

Proposta hosi Orsamentu Jeral Estadu (OJE) 2020 nian, ho folin dolar millaun 1,497, destina dolar millaun 113 resin ba faze dahuluk hosi medida sira ho prazu badak hodi hamenus impaktu sira hosi COVID-19.

Ne'e hanesan tentativa daruak hosi Governu hodi aprova OJE, ne'ebé xumba ona iha parlamentu iha Janeiru, halo nasaun opera iha rejimi duodesimal hahú momentu ne'ebá.

Informasaun sira hosi proposta OJE nian, ne'ebé Lusa iha asesu, antesipa katak Governu foti, iha tinan ne'e, dolar 900 no biliaun resin hosi Fundu Petrolíferu.

Reseita sira ne'ebé la'ós petrolíferu kalkuladu maka dolar millaun 118 resin, ne'ebé maka tau hamutuk ho folin ida hosi dolar millaun 418 resin iha saldu hosi Tezouru no iha konta sira hosi Rejiaun Administrasaun Espesial Oecusse-Ambeno (RAEOA) ho empréstimu sira hamutuk dolar millaun 60 resin.

Iha nível global, OJE destina dolar millaun 206 resin ba saláriu sira ho vensimentu sira, dolar millaun 496,8 resin iha sasán ho servisu sira ho dolar millaun 537,1 iha transferénsia públika sira.

Kapital menor iha previzaun ba gastu sira hamutuk dolar millaun 8,9 no kapital dezenvolvimentu ho total ida dolar millaun 213,4.

Rekorda katak iha OJE sei inklui gastu sira ne'ebé Governu halo entre inísiu tinan ne'e ho momentu hosi aprovasaun diploma nian.

To'o final Agostu, ho tuir Portal Transparénsia nian, Governu uza de'it 52% hosi orsamentu iha nível duodesimal nian.

Sapo TL | Lusa