Investimentu sei nakloke ba emprezáriu internasionál sira, karik Timór sai membru ASEAN

Prezidente hosi Kámara Komérsiu Timor-Leste (CCI-TL), Óscar Lima dehan katak sei iha progresu ba área ekonomia nomós fó impaktu pozitivu ba emprezáriu nasionál bainhira Timór sai membru hosi Asosiasaun Nasoens Sudeste Aziátika (ASEAN), tuir Suara Timor Lorosa’e fó sai. 

“Ha’u bele dehan katak, jeralmente setór privadu ladauk iha kapasidade atu kompete ho empreza internasionál hosi ASEAN, maibé ho ita-ninia prezensa iha grupu refere, ha’u fi’ar katak setór privadu hothotu bele hetan esperiénsia hosi emprezáriu ASEAN nian”, dehan responsável CCI-TL. 

Nia hatutan tan katak Governu fó ona “luz verde” ba setór privadu hothotu hodi kapasita sira-ninia parte finanseira, maibé husu ba Governu atu prepara rekursu umanu hirak ne’ebé iha kualidade atu nune’e iha futuru, Timór bele simu investidór ne’ebé lolos.

Iha parte seluk, visi-prezidente hosi Parlamentu Nasionál, Adriano do Nascimento apela atu Timor-Leste (setór privadu nomós instituisaun hothotu) prepara-aan hodi bele compete ho empreza internasionál sira.

SAPO TL ho STL