Aeroportu foun hosi enklave timoroan Oecusse sei iha folin aas liu duké previstu

Aeroportu hosi enklave timoroan Oecusse sei kusta, iha mínimu, dolár millaun 170 resin, aas liu duké previstu, tanba sala sira, falta informasaun no falta ba regularidade sira iha projetu dahuluk, haktuir hosi responsável sira obra nian.

Millaun 80 resin hosi dezeñu dahuluk projetu nian la hanesan ho nia folin loloos, haktuir hosi konstrutór, empreza indonéziu Wika, no fiskalizadór sira hosi obra, empreza portugés ISQ.

Dezeñu ba konstrusaun hosi aeroportu revistu hosi ekipa ISQ nian, nebe kontratadu hosi autoridade rejiaun autónomu hodi fiskaliza obra, hakotu ona labele efetua projetu dahuluk.

Iha fulan hirak ikus ne'e, ISQ serbisu ona ho konstrutór indonéziu Wika, nebe maka hetan lisensa ba obra, no ho responsável sira hosi Zona Espesiál Ekonomia Sosiál hosi Merkadu nian (ZEESM) hodi analiza projetu dahuluk, nune'e harii ona pista provizóriu ida, nebe funsiona tiha ona iha semana ne'e.

Responsável sira hosi Wika, iha loron-kinta ne'e, hatudu ona dezeñu foun hosi aeroportu durante reuniaun ida hosi Komisaun Kordenadora no Akompañamentu hosi Rejiaun Administrativu Espesiál Oecusse Ambeno, iha aprezentasaun ida nebe partisipa hosi imprensa.

Enkontru ne'e hetan prezensa hosi primeiru-ministru Timor-Leste nian, Rui Maria de Araújo, hosi responsável ZEESM, Mari Alkatiri, no hosi ministru timoroan sira, inklui ministru ba Planeamentu no Investimentu Estratéjiku, Xanana Gusmão.

Responsável sira hosi Wika esplika katak folin dahuluk nebe orsamentadu la'ós folin loloos, tanba sei presiza obra adisionál sira nebe halo folin hosi projetu sa'e hosi dolár millaun 140 ba dolár millaun 160.

Ne'e lahó garantia katak aeroportu sei kumpri ezijénsia importante sira, bele sai hanesan despeza boot ida maibé laiha utilidade no nune'e maka halo revizaunba projetu tomak.

Nune'e, hato'o ona proposta ba orsamentu foun rua, nebe varia, depende hosi área nebe sei husu ba tasi, entre dolár millaun 126 no 171.

Folin, iha projetu ruma, bele afetadu hosi foin sira relasionadu ho rai, nebe tenki reforsadu. Iha senáriu nebe aat liu, aeroportu sei iha folin besik dolár millaun 200, ho folin mínimu entre millaun 171.

Dezeñu halo durante Governu anteriór no entrega ona ba ZEESM, projetu nebe iha tempu ne'ebá seidauk hotu, lahó informasaun importante nebe sufisiente hodi hahú obra ne'e - inklui estudu sira rai nia mahar - no ho de'it parte hosi rekizitu sira iha termu infraestrutura no komponente sira seluk.

Bainhira avansa hanesan planeadu, elementu sira hosi ekipa ISQ esplika ba Lusa katak projetu bele sei la to'o rohan, nia folin loloos sei inflasionadu hosi kustu adisionál sira no sei iha limitasaun sira.

Hanesan ezemplu, projetu anteriór implika atu aeroportu bele utiliza de'it iha loron no labele uza bainhira tempu ladi'ak, no, kuaze obrigatóriu hodi halo alokasaun orsamentu adisionál sira.

Situasaun ida hanesan maka hasoru iha konstrusaun hosi aeroportu Suai, nebe iha ona orsamentu adisionál lima no seidauk konklui ida.

Tanba ne'e, no hanesan hatudu iha loron-kinta ne'e hosi responsável sira Wika nian, presiza duni halo revizaun ba dezeñu hodi hatama elementu sira nebe falta, kalkula elevasaun, hakotu topografia, analiza rai sira no optimiza enjeñaria.

Presiza ateru ida médiu ho aas metru 1,9 - ka besik rihun 513 metru kúbiku - no reklama ba tasi área ida liu rihun 21 metru kuadradu.

Ekipa hosi Wika, ho apoiu hosi konsultór sira ISQ nian, antesipa katak obra ne'e sei hotu iha 2018, nebe permiti fahe kustu iha tinan tolu oinmai, no pista ho terminál sei iha kondisaun hodi funsiona hahú hosi 2017.

Aeroportu foun, hosi kategoria C, sei permiti movimentu sira hosi aviaun sira nebe tula pasajeiru na'in 150 to'o 180, hosi dimensaun Airbus A320-200 no Boeing 737-800, ho pista ida naruka kilómetru 2,5.

Aeroportu sei iha kapasidade ba movimentu ida hosi pasajeiru rihun 250 tinan-tinan (na'in 700 iha oras nebe ho movimentu maka'as).

Nune'e Oecusse sei iha posibilidade hetan semo diretu ba destinu sira ho dook kilómetru 4000 (ka semo sira nebe dura oras lima), hanesan ezemplu: permiti ligasaun ho Jakarta, Surabaya, Singapura, Bangkok no sidade oioin hosi Austrália.

SAPO TL ho Lusa