Naok joven vietnamista sira hodi sai hanesan noiva xinés sira

Ho preferénsia sira hosi oan-mane sira no polítika oan úniku, halo Xina agora daudaun iha desekilíbriu demográfiku todan ida.

Aldeia sira iha besik fronteira sira entre Vietnam ho Xina sai daudaun hanesan teritóriu kasa nian ba trafikante sira ne'ebé naok joven vietnamista sira, balun ho tinan 13, hodi fa'an ba pretendente xinés sira.

Tanba durasaun polítiku ba oan úniku ne'ebé naruk, foin daudaun ne'e halakon ona, no ba preferénsia ba oan sira hosi ema respeitadu sira, Xina agora hasoru daudaun desekilibriu maka'as hosi jéneru populasaun nian, tanba ne'e maka ema buka maka'as joven vietnamista sira.

Investigasaun ida hosi kanal televizaun norta-amerikanu CNN hatete ona kata, dala barak, fó droga ba feto sira ka lohi sira ho serbisu no lori sira hodi fa'an no obriga sira hodi kaben.

Tuir ajénsia ida kombate ba tráfiku ema nian hosi ONU ne'ebé halo operasaun iha Vietnam, mane xinés normal ida selu maka'as hodi kaben ho feto xineza ida. Tuir tradisaun hein atu selu bankete elaboradu ida no sosa uma foun ida hodi bele hela hafoin kazamentu. Tanba ne'e, tenta importa noiva sira hosi nasaun viziñu sira.

Tuir ajénsia ONU nian, ne'ebé haktuir hosi CNN, prioridade másimu agora maka divulga risku sira ne'e iha zona rural sira besik fronteira. Kombate ba kiak hanesan dalan ida hodi evita atu trafikante sira lohi feto sira ho promesa sira serbisu nain iha Xina.

SAPO TL - Fonte: Renascença