Durante
tinan 2015 Polisia Tranzito Nasional (POLTRANS) konsege registu kazu
asidente trafiku hamutuk 1664 no husi numeru ida ne’e ema nain 89 mak mate.
Komandante
Jeral Polisia Nasional Timor-Leste (PNTL), Komisariu Julio Hornai,
hateten kanek todan hamutuk ema nain 417 no kanek kma’an 1399 e numeru hirak
ne’e akumulasaun husi munisipius 13.
“Asidente
rodaviariu hirak ne’e, ohin loron sai fator kritiku principal ba inseguransa
iha ita nian rain,” Komisariu Hornai hateten, Iha Dili.
Nia
dehan, asidente trafiku akontese maioria tanba fator humana, dala ruma iha
kondisaun lanu motorista sira kontinua lori motor no kareta, no mos tanba la
kumpri regras tranzito nian.
Atu
minimize assidenti trafiku hirak ne’e, nia dehan, komando sei hasa’e volume
operasaun cek point ba sirkulasaun viaturas publiku no privadas ne’ebe utiliza
viaturas la tuir lei tranzito rodaviariu nian no asaun hirak ne’e sei halo
iha capital no munisipiu sira.
Iha
parte seluk membru Komisaun B Parlamentar (seguransa, defeza, negosiu
estrangeiru), Deputadu Cesar Valente, hateten ne’e kategoria numeru
ne’ebe bo’ot, presiza hasa’e volume sosializasaun kona ba regras
tranzito nian.
“Komunidades
ne’ebe mak hela iha munisipius, postu administrativu, suku no aldeia balun to’o
agora seiduak hatene didiak kona ba regras tranzito nian ne’ebe iha,” nia
hateten.
“Tenke
hasa’e volume programa sensibilizasaun informasaun, semak la kumpri, tenke fo
sansaun.”
Iha
parte seluk komunidade Elvido Freitas, hateten kazu asidente trafiku kada tinan
kontinua aas, tanba falta motorist sira la kumpri regras tranzitu ne’ebe iha.
“Problema
mak ita nia konsiensia ne’e seidauk iha, hotu-hotu hakarak halo tuir saida mak
sira nia hakarak,” nia hateten.
The
Dili Weekly
Sem comentários:
Enviar um comentário