Planiamentu Familiar Sai Tematiku Ba Konpetisaun Konsertu Mujika Ba Foin Sae

Dili, Radio Liberdade Online_]Kompetisaun Konserto Mujika ho topiku “Planeamentu Familiar”, realija ho objective atu promove informsaun diak ba foin sae sira molok hari uma kain, informa Jestor Radio Komunidade Lorico Lian, Prezado Ximenes, nudar inisiativador ba Kompetisaun Konsertu Mujika, ba Jornalista Radio Liberdade iha fatin haalao kompetisaun Timor Plaza, iha loron Sabadu 23/4/2016.

Prezado haktuir katak “hanesan midia komunitaria, ami hakarak promove informasaun ba foin sae sira liu husi mujika, oinsa mak kuda konsiensia no sensibilidade ba foin sae sira atu bele iha hanoin, wainhira atu hari familia, sira persija halo planu hari familia ida diak, atu nune’e bele asegura sira nia moris ba aban bainrua, liliu ba sira nia oan sira.”

Kompetisaun Konsertu Mujika, suporta husi Marie Stopes Timor Leste ho montante orsamentu $500.00 Dolares Amerikanu.

“Numeru orsamentu ki’ik maibe evetivu tebes,” dehan Prezado.

Banda Mujika lima mak partisipa iha Kompetisaun no Banda Mujika tolu konsege hakat ba etapa final haanesan Banda Mujika The Kraken, Banda Mujika Klamar no Banda Mujika Ikan Rasta.

Rádio Liberdade Dili