Lere Entrega Karta ba Taur

DILI - Komandante F-FDTL Major Jeneral Lere Anan Timor entrega karta ba Presidente Republika Taur Matan Ruak, iha palasiu Presidente Nicolau Lobato, Dili.

Komandante F-FDTL Major Jeneral Lere Anan Timor hatete, ohin mai hasoru malu ho Presidente Republika hodi Entrega karta ba Presidente Republika, maibee kuandu presidente responde ona karta nee foin bele halo komentariu.

Ohin ami mai haoru Presidente Republika Taur Matan Ruak hodi Entrega ami nia surat ba Presidente Republika,maibee kuandu Sr presidente Republika responde ona ami nia karta nee maka ami bele halo komentariu,” dehan Major Jeneral Lere ba jornalista sira, hafoin remata enkontru ho PR Taur, iha Palaciu Presidente Nicolau Lobato, Dili, Segunda (25/04/2016).

Major Jeneral Lere dehan entrega karta ba Presidente Republika Taur Matan Ruak, maibee latemi kontiudu husi karta nee rasik. Entertantu tuir informasaun neebe maka iha katak, dala ruma Major Jeneral Lere Anan Timor entrega karta para buka rejolve problema ezonerasaun neebe maka akontese.

Alende nee Iha fatin ketak Manuel da Silva hanesan komunidade Uabubu husu ba nai ulun sira atu buka solusaun neebe maka diak ba problema neebe maka akontese iha rai laran, atu nunee povu kiik sira bele moris hakmatek.

Enkuantu enkontru neebe maka halao entre Major Jeneral Lere Anan Timor ho Presidente Republika Taur Matan Ruak, iha Palaciu Presidente Nicolau Lobato nee, hahu iha tuku 9:00 OTL, no remata iha tuku 9:30. Informasaun kompletu iha STL Jornal no STL Web, edisaun Tersa (26/4/2016). Carme Ximenes

Suara Timor Lorosae