Governu timoroan repete importánsia hosi tasi ba projesaun global hosi luzofonia

CPLP tenki hametin debate estratéjiku ida, bazeia iha sustentabilidade no iha koperasaun, hodi aumenta potensial iha importánsia tasi nian iha projesaun global hosi luzofonia, hatete hosi ministru kordenador hosi asuntu ekonómiku timoroan nian. 

"Ita tenki reflete kona-bá transversalidade hosi dezafiu prinsipal sira no oportunidade sira ne'ebé marka atualidade hosi ajenda internasional no hosi ita nia komunidade iha área tasi nian, estimula debate estratéjiku ida iha perspetivu hosi sustentabilidade no koperasaun", defende hosi Estanislau da Silva.

Governante, ne'ebé kaer mós knaar iha agrkultura no peska, ko'alia bainhira hahú semináriu internasional "CPLP [Komunidade hosi Nasaun sira Lian Portugés nian] no Tasi: dezafiu no oportunidade sira iha mundu globalizadu" ne'ebé hala'o iha Díli, iha ámbitu hosi reuniaun ordináriu datoluk hosi ministru sira Asuntu sira Tasi nian hosi CPLP.

Ekonomia azul, investigasaun sientífiku tasi nian, esplorasaun hosi rekursu sira ne'ebé la moris iha área sira juridisaun nasional, protesaun ambiental, seguransa hahán nian no governasaun ambiental sai hanesan aspetu importante sira ba nasaun tomak CPLP nian, nia hatete.

Estanislau da Silva ko'alia fali iha preokupasaun hosi prezidénsia timoroan CPLP nian hodi fó prioridade ba kestaun "global no transversál sira" iha ajenda luzófonu nian, hodi subliña atu iha kontestu ne'e "laiha área ida koneksu nian ho globalizasaun duké tasi no oseanu sira".

"Ita hanesan komunidade marítimu ida. Ita moris hosi tasi no moris ho diresaun ba nia. Ita iha área oseániku boot ida ne'ebé tama iha ita nia juridisaun. Iha nia maka ita iha kuantidade boot hosi rekursu moris no sira ne'ebé la moris no hanesan importante ba ita nia ekonomia no kultura tasi nian", nia hatete.

Ba ministru timoroan objetivu maka, ho enkontru iha Díli ne'e, harii "plataforma ida ho reflesaun maka'as" no habelar iha CPLP no mós iha nasaun viziñu sira hosi Sudeste Aziátiku nian.

Aleinde espesialista sira hosi nasaun oioin luzófonu nian, semináriu ne'e hetan mós prezensa hosi matenek-na'in sira hosi Inisiativu hosi Triángula Koral sira ba Resife Koral sira, Peska no Seguransa Hahán nian, hosi Parseria ba Jestaun Ambiental iha Tasi sira hosi Ázia Oriental no hosi Programa Asaun ba Ekosistema sira hosi Tasi Arafura no Timor nian.

Hosi enkontru ne'e sei hetan proposta oioin ne'ebé "kontribui hodi aumenta Planu ASaun ne'ebé prepara daudaun hodi implementa "Estratéjia hosi CPLP ba Oseanu sira".

SAPO TL ho Lusa