TL IDENTIKU HO TRANSAKSAUN ILEGAL

Ho frakeza boot aturidade seguransa sira nian iha fronteira terestres no maritima ne’ebe la konsege minimiza aktividades transaksaun ilegal, kuaze atu hamonu identidade Timor nian iha mundu internasional.

Prezidenti Parlamentu Nasional (PN), Aderito Hugo da Costa, reafirma katak, tranksaksaun ilegal iha linha fronteira laos ona segredu publiku no akontese bei-beik kuaze loron-loron, ho nune’e, hatuur naran Timor Leste identifiku ho transaksaun ilegal.

“Kareta ho motor sira bele tama a vontade ilegalemente, hatudu katak, situasaun seguransa iha fronteira nakloke luan tebes,” hateten Aderito Hugo, iha PN, Segunda (25/7/2016).

Aderito Hugo sublinha katak, lolos Timor Leste tenki moe wainhira ema nia autoridade sunu motor nebe sira prende iha fronteira tamba deit atu hatama mai Timor Leste.

“Ita la bele haree ema sunu ne’e maibe hare husi aktus sira ne’e mensajen saida maka mai ita hanesan Estadu, ita hakilar barak ona atu hadia jestaun fronteira para taka ona potensia – potensia transaksaun ilegal sira ne’e, maibe situasaun ne’e lao livre hela deit,” dehan Aderito Hugo.

Prezidenti PN ne’e mos lamenta ho kareta sira nebe tama mai ilegal, maibe kontinua fa’an iha espasu publik, ne’e hanesan mensajen nebe la diak ba nasaun ne’e.

Aderito Hugo husu ba Polisia Nasional Timor Leste (PNTL) liu – liu ba Unidade Polisia Fronteira (UPF) atu servisu seriu, rezolve asuntu ne’e imediataente, nune TL labele sai nafatin notisia at iha nasaun visiñu sobre inkapasidade asegura jestaun fronteira nian.nes

Jornal Nacional