TL-Portugal Halo Kopersaun Lori Fila Emilia, MNEK Seidauk Simu Instrusaun Husi Justisa

DILI - Tribunal  Distrital Dili (TDD), aplika letura akordaun tinan 7 ba Arguida Emilia Pires, maibe Ministru Negosiu Estranjeiru Hernani Coelho hateten, seidauk bele halo kopersaun ho Portugal atu lori fial Arguida Emilia, tanba husi Justisa seidauk fo instrusaun legal ba governu liu-liu Ministru negosiu Estranjeiru hodi hare ba kestaun nee.

Tuir MNEK Coelho katak ninia baze prinsipal nee maka, TL iha ka la iha mekanismu koopersaun, iha area justisa ninia, bolu katak estradisaun ninia, se ida nee la iha, nee la bele halo buat ida,nia la hatene Emilia ba Portugal nee hanesan sidadaun Portugal ka hanesan sidadaun TL, se hanesan sidadun Portugal nee komplikadu.

Maibe konba probelma nee too agora hau seidauk simu instrusaun husi justisa, saida maka hau halo, needuni hau la bele halo komentariu lai, koandu instrusaun nee mai ona,  bele hare ninia mekanismu desposisaun legal saida maka iha amibitu kopersaun entre Timor ho Portugal, sira bele uza hodi halo serbisu sira neebe relevante husi Ministeriu sira husu nee, tanba nee maka hau ohin adianta, tanba hau seidauk simu instrusoes husi Tribunal konba kestaun ida nee,” hateten Coelho, ba Jornalista sira, hafoin remata, Konsellu Ministru, iha Palasiu Governu, Tersa (20/12/2016).

Tanba nee ohin nia koalia nee konba kontestu jeral, konsetu jeral nee iha buat ida bolu naran mutuar judisiar system ou konba akordu estradisaun, buat sira nee para aplika. Nia mos aumenta tan katak TL tama duni ba Nasaun CPLP hamutuk ho Portugal, maibe buat nee ketak ida, tanba CPLP nee koalia liu konba Koopersaun Lingua Portages no konsertasaun Diplomatika, tanba nee husu konba Emilia nia nee halai ses dook liu ona.

Iha parte seluk Juiz Jose Maria de Araujo husu ba Ministeriu Publiku (MP), atu kaptura lalais Arguida Eimilia Pires, neebe maka sei iha Portugal. Informasaun kompletu iha STL jornal no STL Web, edisaun Kuarta (21/12/2016). Joao Anibal

Suara Timor Lorosae