DILI:
Membru Parlamentu Nasionál IV Lejizlatura, ne’ebé foin simu pose iha loron 5
Setembru, maibé seidauk to’o semana ida deputadu balun komesa husik ona sira
nia responsabilidade hanesan reprezentante povu hodi abandona plenária.
Observasaun
diáriu ne’e nota katak, membru parlamentu eleitu hamutuk 65, maibé loron
Segunda (11/9) no Tersa (12/9), membru órgaun soberania sira ne’e marka
prezensa menus husi 60. Asaun ne’e la'ós foin akontese, maibé iha mandatu III
lejizlatura mós akontese beibeik.
Tanba
ne’e, Xefe Bankada partidu KHUNTO, Luis Roberto da Silva preokupa ho asaun
membru deputadu balun ne'ebé komesa husik sira nia responsabilidade hodi
hamamuk fatin plenária.
Nia
mós husu ba Prezidente Parlamentu Nasionál, Aniceto Guterres atu estabelese
oráriu fiksu ruma ba membru parlamentu atu tama no sai tuir oras servisu, tanba
sai hanesan reprezentante povu labele husik minutu balun iha oras servisu.
“Ita
labele halo tuir ita nia hakarak hodi husik responsabilidade ne’e”, dehan Luis,
liu husi sesaun plenária, horisehik.
Nia
hatutan, hanesan reprezentante povu ne'ebé foun iha uma fukun ne’e la komprende
bainhira haree ba kadeira no meza ne'ebé mamuk iha tempu plenária, to’o tempu
diskusaun no votasaun númeru deputadu la to’o 65.
Hataan
ba preokupasaun ne’e, Prezidente Parlamentu Nasionál, Aniceto Guterres hatete,
meza parlamentu nasionál laiha kompeténsia atu obriga deputadu sira marka
prezensa hotu iha tempu plenária, ne’e fila-fali ba bankada ida-idak atu bele
haree ba kestaun ne’e.
Maibé
haree ba servisu normál parlamentu nasionál nian iha tempu plenária no servisu
komisaun kuandu prezensa deputadu sira nian prienxe ona kuorum diskusaun no
aprovasaun ba asuntu importante sira ne’e kontinua la’o nafatin.
Kestaun
atu ativu iha atividade ne’e konforme fila ba deputadu ida-idak atu kumpre ka
la kumpre mós iha komisaun étika atu bele haree, bainhira iha tempu atu halo
revizaun ba rejimentu bele sita mós asuntu hanesan para bele kesi deputadu sira.
Jacinto
Xavier | Independente
Sem comentários:
Enviar um comentário