Pose IV PN, Partisipante Lubuk Ida laiha Fatin Tur, Hahu Plenaria

DILI - Deputadu kuatru lejislatura hahu halo sesaun plenaria ba dahuluk iha Parlamentu Nasional (PN) ho leitura da komisaun de verifikasaun de poderes, neebe le husi deputada Fernanda Lay husi bankada CNRT, Portantu bankada lima iha PN laiha obzesaun ba komisaun de verifikasaun, ho nunee Komisaun de verefikasaun nee pasa ho votus afavour 65, kontra 0 no abstensan 0.

Partisipante neebe mak partisipa iha tomada de pose membru IV lejislatura PN lubuk ida mak laiha fatin atu tur hodi asisti serimonia importante ida nee iha uma fukun PN.

Haree ba problema nee maioria partisipante neebe mak laiha fatin hlo protesta tanba tuir partisipante sira PN halo diskriminasaun tanba perpara deit kadeira ba ukun nain sira.

Tuir Arcanjo da Costa neebe hanesan akademia neebe mak partisipa iha tomada de pose nee ba STL iha PN Teras (5/8/2017) iha PN hatete nia parte lamenta tebes tanba maioria partisipante mak laiha fatin atu tur.

“Nee haneaan diskriminasaun ida ba povu neebe mak mai asiste tomada de poae ida nee tanba kadeira funsionariu pn perpara deit ba ema boot maibe ba ema kiik laiha tanba nee hanesan sidasaun ami lamenta tebes ho tratamentu ida nee” hatete Arcanjo.

Nia hatutan serimonai tomada de pose ba membru PN IV lejislatura nee importante tebes ba povu tomak atu asesu liu-liu ba sidadaun sira neebe mak hakarak asiste direita.

Iha fatin hanesan Duarte Fernandes husu ba PN atu labele hamosu diskriminasaun entre ukun nain ho povu neebe mak atu asiste serimonia nee.

“Ita labele hamosu diskriminasaun entre ukun nain ho povu nee lqbele tanba ami sira ami asiste nee mos heran konvite tanba nee hakarak ka lqkoi tenke perparq fatin ba ami laos ami mai atu hamril deit balu mak tur nee hatudu imagen la diak,” dehan Duarte.

Tuir observasaun STL iha uma fukun PN nota katak realidade partisipante neebe mak partisipa iha tomada de pose ba membru PN foun nee iha partisipante lubuk ida mak laiha fatin. Laos deit Timor oan mak laiha fatin, inklui mos maluk balu husi estranjeiru. 

Thomas Sanches/Carme Ximenes | Suara Timor Lorosae