TL Labele Haluha Nia Istoria

AMBENO – Iha loron 4 de Setembro 1999, nuudar loron neebe importante tebes ba povu Timor Leste tanba ONU fo sai Rezultadukonsulta popular, 21.50% hakarak integra aan ba Indonesia maibe 78.850% mak hakarak Timor Leste ukun aan.

Tuir Diretor Jeral Centru Juventude Desporto Timor Leste (CJD-TL) Metodio Caetano Monis hatetenohin (red 4 de Setembro) loron neebe importante tebes tanba rona rezultadu konsulta popular, no rezultadu husi inan aman, tiu, avo ninia votu iha eleisaun bele determina futuru Timor Leste nian.

Ohin (red 4 de Setembro) husu ita atu viva ba Timor Leste espera ita sei la haluha historia nee, ohin dia 4 de Setembro loron neebe ita rona rezultadu konsulta popular I rezultadu husi ita nia inan aman sira nia eleisaun hanoin ho simples maibe nee ba ita Timor oan hotu,”dehan Metodio bainhira partisipa formasaun dahuluk nian ba CJD, iha Suku Costa, Oecusse, Segunda (04/9/2017).

Nia hatutan, ho espiritu neebe sira rai hela hili duni fatin nee, RAEOA atu fo hanoin nafatin mai ita katak mezmu rai ketan Oecusse dook husi Kapital no Munisipiu sira seluk.

Maske mai husi munisipiu sira seluk no la hanesan maibe ita ida deit no la fahe malu tanba nee mak hili hili fatin RAEOA sai fatin sentru formasaun ba kolega hot-hotu husi Munisipiu sira.

Iha fatin hanesan, Secretariu RAEOA Asuntu Edukasaun no Solidariedade Social Arsenio Paixao Bano katak objetivu politika juventude iha Timor Leste atu konsege saida, sei atu konsege valoriza rihun ba rihun mate ba rai nee atu ukun rasik aan, sira hakarak rai nee atu hetan libertasaun do povo.

Hanesan ohin nee rezultadu atu konfirma rai nee bele hetan ukun rasik an, entaun atu too neeba kesuksesan itu labele halimar demais, laos hanesan kalan mehi diak cakaraban manan nee lae, kesuksesan itu harus direncanakan harus diorganisir, laiha familia ida nia forte makaas hanesan mehi deit mos lae,” hateten Arsenio.

Entretantu tuir koordenador estudante Dili Institute of Tecnologhy (DIT) Oecusse Marcelo F.X. Cham katak loron konsulta popular hanesan eventu ida neebe marka historia TimorLeste nian iha dia 4 Setembro 1999, tanba iha momentu neeba lider sira juventude sira hamutuk   ho hanoin ida hodi marka pasu ba oin.

Tanba nee, loron konsulta popular nee sai momentum ida ba juventude no Timor oan tomak hodi bele hanoin hikas katak sakrifisiu neebe maka halo ona too rezultadu ohin loron ita goza ukun rasik an maibe latoo iha nee deit, ita sei persiza luta kontinua ba moris diak iha edukasaun hodi servi ba nasaun nia furak”. 

Abilio Elo Nini | Suara Timor Lorosae