Xanana Fo Parabens Ba Deputadu Tuan No Foun

DILI - Eis Primeiru Minstru Xanana Gusmao fo parabens ba depuadu tuan neebe mak halo ona knar iha PN durante tinan 5 hahu husi 2012 too 2017.

Parabens neebe mak lider historiku Xanana Gusmao hatoo ba deputadu tuan sira nee liu husi kaer liman, hakuak malu no rein malu iha parte rentos no hasan hodi hatudu ba publiku tomak hanesan sinal domin. Iha kaer liman nee Xanana Gusmao ho deputadu FRETILIN neebe hanesan mos Sekretariu Jeral partidu Fretilin hakuak malu metin loss ho oin hamnasa ba malu.

Laos nee deit Xanana Gusmao mos kaer liman ho deputadu tuan sira hotu molok deputadu tuan sira intrega kadeira ba deputadu foun sira. Iha biban nee Xanana Gusmao mos hatoo parabens ba deputadu foun sira neebe mak sei asumi knar iha PN durante mandatu tinan lima hahu husi 2017 too 2022.

Remata kaer liman no hakuak malu ho deputadu tuan no foun sira Xanana Gusmao mos hakat ba kaer liman hakuak no rei Primeiru Minstru Rui Maria de Araujo. Ramata fo parabens ba malu Xanana Gusmao mos hola parte iha kadeira Parlamentu Nasional hanesan deputadu husi CNRT hodi simu pose hanesan deputadu CNRT nian hamutuk ho sekretariu jeral CNRT Fransisco Calbuadi Lay.

Laos nee deit Sekretariu Jeral FRETILIN Mari Alkatiri mos hola parte hotu iha kadeira PN foun inklui Rui Maria de Araujo. Husi parte partidu PD nia lidera husi Prezidene PD Marino Asanami Sabino ho nia Sekretariu Jeral Antonio da Conceição. Husi Khunto lidera husi Prezidente KHUNTO Bernadeta ho nia Sekretariu Jeral. Entertantu husi parte PLP nian kadeira Prezidente Taur Matan Ruak okupa husi Fidelis Magelhaens.

Tuir informasaun nebe STL hetan Prezidente CNRT Xanana Gusmao ho Sekretariu Jeral CNRT Fransisco Kalbudy Lay sei fo fatin nee ba membru CNRT seluk hodi asume durante tinan 5. Nunee mos ho Sekretariu Jeral FRETILIN, Prezidente PD no KHUNTO. 

Thomas Sanches | Suara Timor Lorosae