Traballador TL Serbisu Normal Iha Korea do Sul

DILI – Tensaun alta entre Korea do Norte ho Estadus Unidus la prejudika ba traballadores Timor oan neebe mak serbisu ho seguru iha Korea do Sul.

Traballador Timor oan neebe servisu iha Korea du Sul serbisu lao normal maske iha tensaun politika husi Korea Norte ho Amerika, no kuandu mosu problema ruma governu rua mak sei tau matan ba ita nia traballador sira” dehan Diretor Jeral SEPFOPE Jacinto Barros Gusmão ba STL Tersa (05/09/2017) iha nia knaar fatin Caicoli, Dili.

Iha Korea do Sul, Timor leste nia embaixada noadidu traballu reprezenta estadu Timor Leste, nunee mos Korea du Sul nia embaixada iha Timor Leste neebe kuandu iha buat ruma governu rua sempre halo koordenasaun ba malu atu bele resolve lalais.

Nia hatutan, situasaun hanesan nee laos foin mak akontese tinan – tinan sempre akontese, traballador Timor oan barak mak servisu iha Korea du Sul senti seguru, neebe husu ba inan aman sira hot-hotu atu fo nafatin konfiansa ba governu Timor Leste hodi traballador sira ba servisu iha Korea neeba laiha problema.

Nunee mos Diretor Jeral Politika Formasaun Profesional Ba Empregu, Paul Alves hateten los duni iha media imprime no elektronik, agora dadaun publika ema hotu hatene tensaun Korea Norte ho Korea du Sul nee los.

Hanesan ita hotu hatene katak ita nia Traballador iha Koprea du Sul nee bain akontese ruma fo inpaktu ga lae, ami hakarak hateten too oras nee traballador sira servisu hanesan babain hela nomos ekonomia mos hanesan,” dehan Paul.

Nia hateten tanab SEPFOPE nia asisten iha Korea neeba iha hela hamutuk ho embaixada Timor leste nian iha Korea Du Sul sira sempre halo komunikasaun ba sira (SEPFOPE) iha Timor leste kuandu situasaun afeita ba seguransa pessoal ou ba ita  nia Traballador Timor oan sira.

Too agora sira seidauk simu informasaun husi sira nia adidu Timor Leste iha Korea du Sul katak situasaun hanesan nee seidauk iha, neebe traballador sira servisu hanesan babain mos sira servisu iha Timor leste ho kompania sira neebe mak fo ona kontratu ba sira servisu hodi hetan osan haruka mai fo sira nia familia ba sira nia futuru.

EST6 | Suara Timor Lorosae