OMP Deklara Vota Kontra OR, Nurima: FRETILIN-PD Esforsu Pasa Iha PN

DILI – Antes Governu submete Orsamentu Ratefikativu ba Meja Parlamentu Nasional,Oposizaun Maioria Parlamentar deklara uluk ona sei vota kontra ba Orsamentu nee, maibe Bankada Fretilin ho Bankada Partidu Demokratiku sei esforsu, para Orsamentu Ratifikativu bele pasa, nunee bele responde ba nesesidade povu.

Membru Parlamentu Nasional husi bankada Fretilin deputada Nurima Ribeiro Alkatiri hateten, Bankada Fretilin ho PD halo esforsu tomak para Orsamentu Ratefikativu bele pasa, para bele responde ba nesesidade povu nian.

Atu vota kontra ga lae, nee depende ba iha ema idak idak nia konsensia, ba interese nasional no estabilidade iha ita nia rai laran, maibe bankada Fretilin ho PD iha interese atu garante estabilidade iha ita nia rai, bankada rua nee sei buka esforsu para OR nee bele pasa iha PN ,” dehan deputada Nurima, ba STL, iha PN, Dili, Kinta (09/11/2017).

Oposizaun Maioria Parlamentar tuir deputada Nurima katak, Halo hanesan momentu programa Governu atu hatama ba Parlamentu Nasional, antes hare hare dokemnetu mos sira deklara vota kontra ona.

Iha fatin hanesan Xefi bankada PLP deputadu Fidelis Maghalaes hateten orientasaun husi nia lider partidu katak, programa tenke mai uluk, Orsamentu Ratefikativu mai karik presiza esplika tanba sa maka OR tenke mai agora. 

Carme Ximenes/Maria Lay | Suara Timor Lorosae