DILI: Ministru Defeza no
Seguransa (MDS), José Agostinho Sequeira ‘Somotxo’, alerta ba sidadaun sivíl
sira ne'ebé sei rai hela kilat ilegál iha uma tenke hahú ona entrega ba
autoridade seguransa sira ho data limitasaun to’o 31 Dezembru 2017.
Antes ne’e, Majór Jenerál F-FDTL,
Lere Anan Timur, mós deskonfia kilat ilegál balun tama husi fronteira Atambua
mai Timor-Leste.
Tanba ne’e, husu ba sidadaun sira
ne'ebé rai hela kilat karik bele entrega direita ba polisia ka forsa sira.
Karik ta'uk atu entrega bele soe ba tasi laran.
Ministru Somotxo reforsa tan hodi
hatete, deskonfia kilat ilegál ne'ebé sei espalla iha rai laran ne’e sai
hanesan preokupasaun boot ida ba parte defeza no seguransa nian.
Nasaun ida ne’e lakohi atu
sidadaun sivíl ida ne'ebé la merese atu rai kilat.
“Ha'u halo apela sirkulár ida ba
maluk sidadaun sivíl sira ne'ebé subar kilat lakohi fó sai prazu to’o de'it 31
Dezembru. Liu ida ne’e konsidera hanesan krime ona” dehan Somotxo, iha
Portu-Dili, horisehik.
Nia hatutan, iha Timor atu lori
no rai kilat ne’e so instituisaun rua de'it mak PNTL no FFDTL, maibé kuandu
sivíl mak rai fali kilat ne’e iha intensaun ruma.
Nia konta, uluk funu laran rai
kilat atu halo funu, maibé ukun aan ne’e mak sidadaun sivíl sira sei rai
nafatin kilat, ne’e ho objetivu atu destrui estabilidade.
Kuandu liu data limitasaun ne'ebé
determinadu ona, maka parte seguransa no defeza sira mak kaer toman ne’e sei
simu konsekuénsia ne'ebé boot no sei hataan ba justisa.
Jacinto Xavier | Independente
Sem comentários:
Enviar um comentário