HANOIN HIKAS SAUDOZU LA SAMA, NIA ESPIRITU MORIS ROHAN LAEK

Ministru Kordenador asuntus Sosiais no Ministru Edukasaun, Saudozu Fernando La Sama de Araújo, husik hela ona povu doben ida ne’e, maibe nia espiritu servi, honestu, lealdade no patriota, sei moris rohan laek husi jerasaun ba jerasaun.

Prezidenti Partidu Demokratiku (PD), Saudozu Fernando La Sama de Araújo, husik hela povu Timor Leste iha loron 2 Julhu 2015, hafoin sofre moras wainhira hala’o hela servisu Ministeriu Edukasaun hodi halo dialogu ho profesores no maker Ministeriu Edukasaun nian iha Munisípiu Covalima.

Mata wen ho udan wen nakfilak Timor sai malahok, hodi konketiza natureza nia sentidu tirsteza wainhira husik hela oan doben no murak mean futuru lideransa Timor nian, Fernando La Sama de Araujo, iha loron 2 Julhu 2015.

Iha serimonia loron 40 hodi hanoin hikas Saudozu Fernando La Sama de Araujo nia mate, Sabadu (11/7/2015), familia rasik, kolega RENETIL, kompnaheirus tomak PD nin, inklui familia Ministeriu Edukasau nian, lori ai-funan ba vizita Saudozu La Sama, ne’ebe halot hela iha Semiterio Jardim dos Herois, Metinaro.

Sekretariu Jeral PD, Mariano Assanami Sabino, fo sasin katak, Saudozu La Sama maka harii Komisaun Servi Labarik, tanba ne’e, Saudozu nia spiritu servi sei moris rohan laek hodi daer tutuan ba profesores hotu atu servi labarik sira sai futuru ne’ebe diak.

Eis Ministru Agrikultor no Peskas, Mariano Assanami Sabino, hato’o mos agradesementu ba Ministra Edukasaun interina, Dulce Soares de Jesus, ne’ebe fo apoiu maka’as ba Saudozu nia servisu to’o iis kotu.

Iha loron 40 hanoin hikas Saudozu La Sama nia mate, Ministeriu Edukasaun (ME) oferese Buletin Sapiens, kona-ba Saudozu nia luta ba nasaun ne’e, liu ba iha seitor edukasaun.

Ministra Edukasaun interina Dulce Soares de Jesus hatete, bulletin sapiens ne’ebe ME halo ne’e sei fahe ba eskola tomak iha teritoriu Timor laran no ba kortpu diplomatiku sira iha rai laran, atu nune’e, bele sai istoria no ema hotu bele hatene Saudozu nia servisu durante ne’e oinsa.

‘’Buat ne’ebe mak Saudozu halo iha ME sai hanesan programa ba ami atu kontinua ba oin, tanba ne’e hau hakarak hato’o obrigado barak ba familia Saudozu no mos ba Partidu Demokratiku (PD) ne’ebe mak fo fatin ba Saudozu tur iha Ministru Edukasaun, tanba durante saudoso iha ME, ami aprende buat barak husi Saudozu,’’ afrima Ministra interina Dulce de Jesus iha nia deskurus ba kari ai-funan loron 40 Saudozu La Sama nian iha Jardim Herois Metinaro.

Dulce mos husu deskulpa, karik durante iha loron 107 sira halo buat ruma lakona Saudozu nia laran, tanba sira la hatene buat ida, neebe sira la halo buat diak ba Saudozu maibe sira halo livru buletim sapiens kona ba Saudozu nia serbisu atu sai hanesan istoria ba estudante Timor.

Dulce konta tuir katak, akontesementu saudoso hahu monu iha Suai to’o mai hakotu is iha Dili, sei sai trauma boot ida tanba akontesementu ne’e hanesan dezastre boot ba Estadu.

Dulce fo sasin katak, durante Saudozu servisu iha ME sira aprende buat barak tebes husi Saudozu, tanba ne’e ohin loron Saudozu mate ona, ME sei hatutan istoria Saudozu nian ba estudante iha Timor laran tomak. Nia

Jornal Nacional