Negosiante Xineza Halo Negosiu Kiik, Hatun Diginidade Nasaun

DILI - Preokupasaun povu iha baze nebe kestiona vendedores Xina faan sasan laiha kualidade hatun dignidade nasaun Xina, tan nee governu Timor Leste sei aprezenta ba Embaixador Xina hodi fo atensaun.

Tuir Vice Ministru Negosiu Estranjeiru Roberto Soares katak parte Ministeriu Negosiu Estranjeiru sei aprezenta preokupasuan povu hodi koalia ho xina atu regularia kona ba movimentasaun emprezas kiik husi Xina.

Emprezariu Xina sira nebe mak loke fali kois hodi faan sasan kikuan nee hanesan halo moe fali sira nia nasaun ninia oin, nebe hau hanoin sira iha ona koinesementu ba ida nee tamba ami alerta ona,” dehan Roberto ba Jornalista Tersa (14/07/2015) iha Palasiu Prezidensial Nicolao Lobato.

Iha fatin ketak Porta Voz Negosiantes Merkadu Liquica Leopoldo Correia Soares hatete negosiante Municipiu Liquica rezeita no lakohi simu prezensa negosiante estranjeiru husi Cineza, neebe tama iha Timor Leste laos ho fundus investementu, maibe halao fali aktividade faan sasan Nesesidade baziku.

Nia hatutan Governu tenki muda negosiante Estranjeiru Cineza hirak nee ba konsentra iha Centru Merkadu, nunee sira sai nudar produtor hodi suplay sasan no produs ba Merkadu, Governu la bele autoriza atu faan sasan rahun iha merkadu se lae hamate vendedores local. Informasaun kompletu iha STL jornal no STL Web, edisaun Kuarta (15/7/2015). Timotio Gusmao

Suara Timor Lorosae