Na’in ida mate no rua kanek bainhira akontese tiruteiu iha sudoeste de Sydney

Ema na’in ida mate no rua seluk maka ohin hetan kanek bainhira mosu tiruteiru iha fatin komersiál sudoeste sidade Sydney, no fi’ar katak asidente ne’e kria nafatin hosi ema ne’ebé uza kilat automátika. 

“Na’in ida mate kedas iha fatin no lori rua seluk bá iha ospitál. No ladauk hatene sira-ninia kondisaun”, tuir komunikadu hosi polísia Nova Gales do Sul, iha Sydney.

Polísia tenta atu ko’alia ho atakante iha zona industriál Sydney nian, maski lahatene iha ema balun maka lakonsege sai hosi fatin komersiál ne’e, tuir TV ABC fó sai.

Polísia konsidera katak insidente ne’e laiha ligasaun ho hahalok terorista, tuir ABC fó sai.

Iha dezembru 2014, fatin kafé nian ida iha sentru finanseiru Sydney sai hanesan fatin asaltu, hosi autoproklamadu klérigu iranianu nian, hodi prende tiha ema barak, no ikus mai hamate ema ne’ebé prende ema hirak ne’e no na’in rua seluk hafoin polísia halo intervensaun.

SAPO TL ho Lusa