DILI
- Area Turismu importante tebes ba nasaun no povu Timor Leste (TL) nia vida ba
futuru, neduni liu husi turismu bele hatama rezeitas ba estadu, tamba nee
governu kada tinan sempre aloka osan hodi realiza turismu maibe turismu too
ohin loron nunka lao.
Tuir
Peritus Leonito da Costa kestiona makas konaba dezenvolvimentu turizmu, tamba
tinan ba tinan governu aloka orsamentu estadu neebe boot ba area turizmu,
depois iha 2016 nia mos governu aloka tan osan ho montante U$ 3,861 hodi halo
dezenvovimentu turismu.
Maibe
ita hare turismu durante nee nunka lao, nee hatudu katak Ministru Turismu
Calbuady Lay, la iha kapasidade atu zere turismu nee ba oin, wainhira orsamentu
nee tama iha gaveta Ministeru Turismu nia orsamentu nee ba halo fali programa
seluk, maibe ba programa turismu sira la interese,” hateten Leonito, ba STL iha
nia knar fatin Liceu, Dili, Tersa (29/03/2016).
Nia
hatutan area turizmu, agrikultura no programa sira seluk maka aban bain rua
bele troka mina rai, tamba mina husi bayu undan no kitan maran dadauk ona,
maibe Ministeru Turismu dukur no la iha planu atu halo dezenvovimentu turismu
iha TL.
Hatan
ba kestaun dezenvolvimentu turismu lalao, Ministru Turismu Fransisco Kalbuady
Lay hateten nia la kohi fo komentariu konaba asauntu nee, tamba ohin jornalista
sira intervista ona Sekertariu Estadu Konsellu Ministru Avelino Coelho.
“Tamba nee hau
hamlaha neduni hau ba han lai, imi ba husu ba sira, hau ba han lai,” hateten
Calbuady.
Ministru
Kalbuady hatan tiha lia fun nee ba jornalista sira, nia sae kareta ba liu, dala
barak jornalista sira tenta bebeik, maibe maibe nia la kohi fo komentariu.
Informasaun kompletu iha STL Jornal no STL Web, edisaun Kuarta (30/3/2016). Joao
Anibal
Suara Timor Lorosae
Sem comentários:
Enviar um comentário