Primeiru
Ministru (PM), Rui Maria de Araújo informa katak, agora dada’uk VI Governu
estabelese ona Governu eletrónika.
PM
Rui Araújo haktuir, maske Governu eletrónika ne’e foin mak estabelese iha área
balu, maibé nia prosesu komesa la’o ona.
“Governu
eletróniku ne’e, iha komponentes barak, ida mak programa saúde na familia
ne’ebé digitaliza, ida ne’e mós parte husi Governu eletróniku, hahú tiha ona
iha Ministériu Saúde, oras ne’e dadaun haree hela kestaun balu relasionadu ho
planeamentu, monitorizasaun, ho ezekusaun orsamentu ninian, oinsa atu
digitaliza prosesu sira ne’e,” informa PM Rui Araújo ba jornalista sira iha
Palacio Prezidensial Aitarak Laran Dili, Kuarta (24/03), hafoin hasoru malu ho
PR Taur Matan Ruak.
Nia
haktuir, komponente seluk ida kona-ba Governu eletróniku ne’e mak, sistema de
informasaun finanseira, ne’ebé hala’o iha Ministériu Finansas. Nia haktuir,
koordenasaun ba atividade ne’e, agora dada’uk kontinua la’o nafatin.
Nia
reafirma, komponente seluk Governu eletrónika nian ida mak, sistema pagamentus
Komisaun Funsaun Públika ninian, liga ho tezoru atu halo pagamentu ba salariu
funsionárius nian mós kontinua la’o nafatin.
“Iha
komponentese lubuk bo’ot ida, impostus nian mós iha, Alfandegas nian mós iha.
Ne’e parte husi konjuntu tomak Governu eletróniku nian, ne’ebé la’o hela,”
relata Xefe Governu ne’e.
Alende
ne’e, PM Rui mós informa katak, iha sorumutu ho Prezidenti Repúblika Taur Matan
Ruak ne’e, nia informa kona-ba kestaun seguransa ba manifestasaun ne’ebé la’o
durante loron rua nian.cos
Jornal
Nacional
Sem comentários:
Enviar um comentário