HALO TINAN 16 PM RUI: PNTL ULTRAPASA ONA TEMPO FRAJILIDADE

Primeiru Ministru (PM), Rui Maria de Araújo,hatete durante tinan 16 nia laran Polisia Nasional Timor Leste (PNTL), konsege ultrapasa ona husi frajilidade.

“Ita presiza  rekoñese katak, PNTL konsege ultrapasa ona husi  frajilidade lobun   ida no konsege  aperfeisoa nia a’an, hodi mos konsege halo diak  liu tan ba planeamentu  no adminsitrasaun  ba rekursus umanus, iha mosaun oi-oin  ho objetivu  atu servi  ba ita nia populasaun  no  nia patria,”esplika PM Rui, liu hosi diskursu aniversariu PNTL ba dala XIV Segunda (28/03) iha Akademia Polisia Comoro Dili.

Nune’e mos, PM Rui agradese eis Komandante Jeral PNTL aktual Ministru Interior  Longuinhos Monteiro no Vise Komisariu  Afonso de Jesus ne’ebe maka simu ona medalha ordem de Timor.

“Ita bo’ot rua nia dezempenhu , espiritu  misaun, dedikasaun  no profesionalismu  nudar Komandante Jeral  PNTL,  kna’ar   iha responsabilidade bo’ot tebes, fo  ona kontinuidade  hodi kumpri  propozitu  PNTL nian, hodi  tau matan  ho responsabilidade  bo’ot  ba ema hotu  no ba nasaun , populasaun  no ba instituisaun  hodi hala’o mos  instituisaun   ne’e sai dezenvolvimentu no metin liu tan,”esplika PM Rui.

PM Rui haktuir, PNTL iha papel  fundamental iha prsesu hatur  orden no proteje   Timor oan sira, sidadaun em   geral.

Ezersisiu  kompetensia  hirak ne’e , esensial tebes  hodi  harii  Estadu   demokratiku ida ne’e,  no tanba ida ne’e maka fundamental   mos,  prosesu reforma instituisional ne’ebe hala’o  tiha ona no sei nafatin hala’o, prosesu ida ne’ebe  maske la’os lalais  no la’os mos fasil,  produz  dadaun  ona rezultadu  hosi nune’e  ohin  loron Timor Leste  bele moris  iha klima  ho dame  no matenek.

“Kada  tinan  ne’ebe maka liu sanulu resin neen, PNTL  buras no hakbiit  ninia kapasidade  ba bebeik atu  bele ezerse  nia funsaun, no simu  kompetensia barak liu tan iha area oin-oin, iha area  ne’ebe relasiona ho dereitu, liberdade  no garantia  ba sidadaun sira,”katak PM Rui.

Nune’e mos, PM Rui afirma katak, sidadaun Timor hotu lakohi  Polisiamentu violentu iha nasaun  ne’e.

PM Rui relembra hikas  katak,   iha  aniversariu  PNTL ba dala XV iha tinan kotuk, nia apela  ba Polisia atu konsentra liu ba area  tolu maka hanesan, area Polisiamentu Komunitaria, kontrolu  fronteira terrestre  no maritima no seguransa roda viaria. Nune’e iha  aniversariu  ne’e mos nia husu Komando Polisia atu hametin nafatin area tolu ne’ebe nia temi ona ne’e.

PM Rui hatuan,  iha planu   estratejiku, PNTL   hakarak Polisiamentu  VIP,  katak, V  ba Viziblidade,  iha Polisia komunidade nia le’et hodi nune’e komunidade bele  sente seguru, no ema ne’ebe hanoin a’at     bele hanoin  dala rua ka dala barak liu, molok   atu halo  buat ruma. I   ba  Involvimentu   komunidade    atu  ita  bele sente  katak, komunidade  rasik sai  parte  hosi sistema seguransa no  profesionalismu , Polisia  ninian.

“Ne’e  ita  bele sukat  hosi komunidade ninia satisfasaun  ka komunidade nia  hanoin  kona-ba  PNTL rasik.  Tanba  ita sei iha hela ambiente  Paskoa ninian, mai  ita halo   ezame  konsiensia  hodi husu ba ita ida-idak nia  na’an,  se ita  implementa  duni  ona  modelu  Polisiamentu  Vizibilidade  Involvimentu  no Pofesionalismu (VIP) ne’e ka?  keta  VIP   ne’ebe  ita ida-idak,   ka ita ibun balun  implementa  sai fali violentu ba V Inviziavel  ba  I  no Parsial ba P. Ha’u fiar  katak,    ita hotu lakohi  modelu Polisiamentu  ida ne’ebe  violentu, Invizivel ,”afirma PM Rui.

Ho hanoin hirak ne’e, PM Rui aporveita  oportunidade atu  dezafia  komando Jeral PNTL, Komando Unidades, kuadru servisus no mos komando  Munisipiu  sira atu reforsa   kapasidade  subjetiva  ida-idak nia a’an atu komanda katak,  reforsa ida ninia abilidade  komando  nian,   hodi implementa  duni modelu  Polisiamentu ida ne’ebe  iha duni vizibilidade, involvimentu  no profesionalismu.

“Ha’u dezafia   mos ofisiais  no sarjentos, ajentes   atu  hatudu  profesionalismu   bo’ot liu tan, ita bo’ot  sira  nia atuasaun Polisiamentu hot-hotu,”haktuir PM Rui.

 PM Rui realsa katak,  PNTL ohin sai  nudar instituisaun  ne’ebe hatudu pasu   bo’ot  lubun ida   ne’ebe  hala’o tiha ona  hodi refleta   no konsilida  nia a’an, miabe mos   sai nafatin  sai nudar instituisaun   ida ne’ebe  presiza  buras  no sai forti  liu tan.

Rekursu umanu ne’ebe sai nudar nia kbiit, kapasitadu  liu tan  ona, no hodi   iha koñesimentu ne’ebe diak liu  tan hodi kontribui  ba instituisaun  ninia krisimentu. Maibe sei presiza kontinua  hala’o esforsu  ida ne’e hodi  hasae  kapaisidade  sai a’a liu tan.avi

Jornal Nacional