Komandante
Jeral Polisia Nasional Timor Leste
PNTL komisario Julio da Costa Hornay rekoñese nia
membrus halo atendimentu publiku brutal hasoru
komunidade.
Ho
ida ne’e nia husu membru PNTL tomak atu hapara hahalok brutalismu hasoru
komunidade kbi’it laek, tamba hafoer deit instituisaun PNTL.
“Hau
husu ba membrus Polisia Nasional Timor
Leste atu hapara atitude brutalismu, tanba
atitutde ida ne’e hafoer instituisaun PNTL iha
komunidade nia matan,” afirma Komandante Jeral PNTL,
komisario Julio da Costa Hornay iha ninia diskursu iha
aniversariu PNTL nian ba dala XVI iha
akademia polisia Comoro, Segunda (28/3/16).
Komandante
ne’e mos husu ba nia membrus atu kuida didiak sasan hirak ne’ebe
mak simu husi Governu no utiliza ba
servisu nu’udar ita nian rasik. Tanba osan ne’ebe aloka
hodi sosa ekipamentus hirak ne’e povu nian osan, hodi serve fali
povu ho dignidade no profesional.
“Karik
koko atu halo nafatin hahalok brutalismu ne’e, mak
komando sei la tolera hodi foti
medidas disiplinar ne’ebe forte, tamba la
kumpri komprimisiu ne’ebe ita halo ona
liu husi juramentu ho bandeira nasional
iha loron graduasaun antes hahú hala’o
kna’ar polisia hodi serve ita nia povu,”
afirma nia ho lian makas.
Mesmu
PNTL oras ne’e daudaun menus fasilidade hodi apoiu sira nia servisu, maibe sira
esforsu atu kontinua melhora difikuldade sira ne’e. Tantu Komandante jeral
enkoraja nia membru atu fiar an lao ba oin, labele utiliza difikuldade
sira ne’e sai hanesan obstaklu ba ida-idak nia kna’ar.
“Labele
foti difikuldade sai hanesan obstaklu ida atu imi nia kna’ar. Maibe
mantein imi nia firmeza hodi serve
ita nia povu ho sentimentu sai
hanesan nain ba rai doben ida ne’e. Tau
nafatin ita nia konfiansa ba Governu hodi dezenvolve institusaun ida ne’e,
mesmu neneik, maibe bebeik,” tenik niua.
Nia
realsa, kontinua garante servisu ho kualidade
ba sidadaun hodi kontribui ba paz no
liberdade iha teritório laran tomak.
Ikus
nia agradese ba membrus PNTL tomak , tamba ho
sira nia empenho no profesionalismu hodi
hetan rezultadu diak, inklui agradese mos apoiu no
kolaborasaun husi orgaun no autoridade
Governu liu husi Ministru Interior ba
dezenvolvimentu PNTL.tos
Jornal
Nacional
Sem comentários:
Enviar um comentário