Australia Sai Husi Lei UNCLOS, Halo Manipulasaun Ba TL

DILI - Governu Australia iha loron 22 Marsu 2002, ses aan husi lei UNCLOS, para halo manipulsaun ba povu Timor Leste, hodi naok povu nia riku soin mina no gas iha Tasi laran, tamba nee sira kontinua ulun toos la kohi halo negosiasaun hodi defini lina fronteira maritima.

Tuir Diretor Asosiasaun HAK Manuel Monteiro hateten konaba fronteira Maritima iha lei internasional maka regula, lei UNCLOS regula konaba baliza maritima, Australia sai ona husi lei UNCLOS, maibe iha pozisaun situasaun seluk nia uza lei UNCLOS hodi rezolve lina fronteria maritima ho nasaun seluk.

Entau Governu Australia rasik halo hela manepulasaun mai ita, oinsa atu obriga Australia tenki respeita soberania povu TL ninia, dala ida tan ita hotu-hotu tenki konsentra ba luta, luta ida nee boot liu fali uluk luta ba indepedensia, tamba luta ba indepedensia ita hetan solidaridade ba mundu internasional, maibe luta ba fronteira martima talves ita susar hetan apoiu husi solidaridade sira,” hateten Monteiro.

Nia hatutan ba luta fronteira maritima, xave importante no fator determinante husi povu Australianu, tamba nee la bele hare povu Australianu sira hanesan TL nia inimigu, maibe TL nia amigu maka Governu Australia.

Iha parte seluk Deputadu Bankada Frente Mudansa Jorge Teme hateten problema fronteira maritima entre TL ho Australia maka susar atu rezolve, dalan unika ba nasoes Unidas. Informasaun kompletu iha STL Jornal no STL Web, edisaun Sabado (16/4/2016). Joao Anibal

Suara Timor Lorosae