Teresa,
ne'ebé hanesan oan-feto hosi kaben-na'in portugés, moris iha loron 07 Fevereiru
iha Díli, seidauk iha nasionalidade tanba burokrasia ne'ebé halo susar nia
rejistu no impede aman-inan sira hodi sai hosi Timor-Leste.
Aman-inan,
Pedro Tavares ho Jessica Fragueiro, ne'ebé hanesan profesór iha Eskola
Portugeza iha Díli, tenta rezolve kazu ne'e iha semana hirak nia laran no, iha
iminénsia hosi viajen kaben nian - sira sei kaben iha Díli iha loron-sesta
oinmai - kontinua la hatene kona-bá sira nia viajen.
Kazu
ne'e kondisionadu ho mós izolamentu eletróniku hosi konsuladu portugés iha
Timor-Leste, ne'ebé la hanesan ho sira seluk, laiha asesu ba SIRIC (Sistema
Integradu hosi Rejistu no Identifikasaun Sivil) ne'ebé permiti asentu hosi
nasimentu lalais.
Tuir
konsuladu, Konservatóriu hosi Rejistu Sentrál sira iha Lisboa, ne'ebé iha
pasadu husu de'it dokumentu ida maternidade nian hodi konfirma nasimentu, agora
husu asentu ida nasimentu kosok-oan nian iha Timor-Leste no dokumentu
identifikativu ida ho fotografia.
Maibé
dokumentu ikus sira ne'e labele hetan tuir dalan legal iha Timor-Leste tanba
labele rejista labarik ida ne'ebé hanesan oan hosi aman-inan estranjeiru no
labele fó mós dokumentu identifikativu ida ho fotografia.
Tuir
aman, história envolve informasaun laloos no dalabarak kontraditóriu ne'ebé
hato'o hosi rejistu sentrál sira iha Lisboa no to'o selu "luva sira"
hodi hetan dokumentu sira iha burokrasia timoroan nian.
Labarik
ne'e labele rejsita nu'udar timoroan - lei husu parentesku hodi fó
nasionalidade - no tenki haruka dokumentasaun liuhosi mala diplomátiku hodi
halo prosesu rejistu nian iha Portugal.
"Sira
hatete mai ami katak ne'e bele demora pelumenus fulan tolu, ne'e signifika
katak ami la hatene loloos bainhira maka nia bele rejistadu nu'udar
portugeza", Pedro Tavares hatete.
Iha
konversa ho Lusa, Pedro Tavares hato'o susar no konfuzaun burokrátiku ne'ebé
nia oan-feto hasoru nafatin hahú hosi nia loron moris, bainhira simu dokumentu
rua, ida maka deklarasaun hosi médiku ne'ebé konfirma nasimentu no ida maka
kaderneta ne'ebé akompaña kosok-oan sira ne'ebé moris iha fatin ne'e.
Bainhira
nia ba konsuladu hafoin kosok-oan moris, nia simu informasaun katak deklarasaun
hosi médiku hanesan sufisiente hodi halo rejistu iha Portugal no nia simu avizu
katak prosesu ne'e bele demora fulan tolu.
Bainhira
nia husu ba funsionáriu konsulár sira kona-bá saida maka akontese bainhira sira
hakarak halo viajen ho kosok-oan ba estranjeiru, funsionáriu sira hatán katak
iha situasaun ne'e tenki hetan pasaporte temporáriu ne'ebé iha folin euro 150.
"No
hafoin ne'e ha'u tenki hatete katak pasaporte lakon - tanba ladún iha pájina
ida - no husu pasaporte seluk, permanente, ho folin karun liu", nia
hatete.
Nune'e,
aman-inan sira desidi ona kaben no iha loron markadu ba kazamentu, iha
konsuladu, ba loron 22 Abril no viajen ida ba elementu na'in tolu hosi família
iha loron 25 Abril.
Kaben-na'in
konta katak bainhira sira ba fali konsuladu, afinal, hatete ba sira katak
labele iha pasaporte temporáriu tanba oan-feto nia rejistu seidauk tama iha
Lisboa.
Responsável
konsulár sira iha Díli garanti ona katak aselera maka'as tentativa ba prosesu
iha Lisboa maibé serbisu sentrál sira hatán ba pedidu urjénsia hanesan pedidu
ba dokumentu foun sira.
Paulo
Maia e Silva, konsúl Portugal nian iha Díli, hatete ba Lusa katak halo ona ho
velosidade maka'as no esplika ona katak dokumentu foun sira husu de'it iha
Lisboa bainhira iha pedidu urjénsia iha prosesu hosi "integrasaun
nasimentu oan-feto hosi kaben-na'in nian iha rejistu sentrál sira".
Responsável
esplika ona katak konfirma ona pedidu dokumentasaun adisional, hodi subliña
katak "laiha posibilidade" hetan iha Timor-Leste no garanti ona katak
hosi parte konsuladu nian sei halo buat hodi hodi nune'e família bele halo
viajen iha loron 25 Abril.
Konsúl
esplika katak iha antesendente ida iha Timor-Leste, iha 2014, bainhira presiza
de'it deklarasaun hosi maternidade no identifikasaun hosi aman-inan sira hodi
prosede ba asentu, no mosu ona instrusaun internu sira, iha nível sentrál iha
Lisboa, hodi fortalese rekizitu sira.
SAPO
TL ho Lusa
Sem comentários:
Enviar um comentário