FIFA HO AFC KOMITMENTU APOIU FFTL

Federation Internationale Football Assosiation (FIFA) ho Asian Footbal Confederation (AFC) komitmentu fo paoiu mai Federasaun Futebola Timor Leste (FFTL).

Organidazaun mundial FIFA ne’ebe lidera husi prezidenti Gianni Infantino, deposita nafatin konfinasa tomak mai FFTL atu apoiu programa lubuk ida ne’ebe iha relasaun ho dezenvolvimentu futebola iha Timor Leste (TL).

Membru Komite Asosiasaun FIFA nian nudar mos membru ezekutivu (Deputy Chairman ba finansas) AFC, Francisco Kalbuadi Lay, hateten, FIFA ho AFC la iha duvidas atu apoiu nafatin Timor Leste, liu husi FFTL iha area infra-estrutura, administrasaun, finansas, apoiu tekniku no seluk-seluk tan.

Ba jornalista sira iha Xanana Sport Centre, Sabadu (18/6/2016), Francisco Kalbuadi Lay klarifika katak, programa ne’ebe tinan ne’e realiza iha Timor Leste ho apoiu FIFA nian, maka atu halo uma cafetaria, sala jantar ho fasilidades kompletu ba jogadores, arbitrazen, treinador ho tekniku sira, harii tribun  iha Kampu Demokrasia ho mos mini peach 2.

Area seluk, hateten Prezidenti FFTL ne’e maka hanesan atu halo kompetisaun futebola ba feto sira, treinamentu ba arbitrazen, treinu ba treinador tuir klasifikasaun FIFA nian.

“Prezidenti FIFA, Gianni Infantino, komitmentu apoiu FFTL iha area tekniku, kompetisaun, administrasaun, arbitrazen, treinador ho mos infra-estrutura fiziku,” hateten Francisco Kalbuadi Lay.

Nia lia tun tan dehan,  iha ona komitmentu atu harii infra-estrutura ba uma cafetaria no salaun jantar ho fasilidades ba jogadores sira. Nune’e, Frnacisco Kalbuadi Lay informa mos katak, AFC apoiu atu halo mini peach 3 no fo treinamentu ba kapasitasaun rekursu humanus FFTL nian.

FIFA ho AFC mos apoiu halo kompetisaun ba labarik sira no mos fasilita treinamentu ba pesoal tekniku no administrasaun FFTL iha rai laran no ba rai liur.

Liu husi kongresu extra-oridnario ba daruak ne’ebe halao iha Zurich, Sesta (26/2/2016), Gianni Infantino, eleito sai prezidenti foun FIFA nian hodi toroka Sepp Blatter.

Gianni Infantino hetan konfiansa votus 115 hodi manan ninia kompetitor Sheikh Salman bin Ebrahi al-Khalifa ne’ebe hela ho votus 88 deit. Kandidatu seluk hanesan pengeran Ali al-Hussein hetan deit votus 4 no Jerome Champagne la hetan liu votus.

Antes ne’e Infantino asume kargu Sekretariu Jeral EUFA iha tinan 2009 liu ba. Nia sidadania tolu, kompostu nudar sidadania Swissa, Yunani no Italia.

Infantino iha influensia boot wainhira diskuti Copa Erop ne’ebe konsege envolve membru 24 ne’ebe antes ne’e iha nain 16 deit. Infantino mos iha ideia atu aumenta ekipa Copa Munidal ba nain 40, ne’ebe posivel boot atu realiza tanba nia agora sai ona primeiru pesoa iha FIFA. sel

Jornal Nacional